Kenepa

Act 13

Zonido di ola nan ku ta karisia e santu blanku. E paisahe ta pintoresko ku ta parse manera saka di un revista di turista. Palu nan di koko I dama nan bunita. Apénas e dama nan tin algu bisti I nan figura di kitara ta bisto pa hasta esun di mas siegu.

Un di e damanan ta wak bo direkshon. Su kabei pretu largu ta waya den bientu manera un bandera di plaser. Su kurpa sexy ta yanga biniendo serka. Su smile sugestivo ta lagabu sa ku un bon ratu ta na kaminda.

E ta kana yega serka i subi e stul ku bo ta drumi riba dje. E ta kana subi sexy i elegante manera un pushi riba man ku pia. E ta wak abou I mira kon eksitá bo ta. Su kara ta kita di sexy I bira un di deseo. Kasi e no por warda mas kiko mas bo tin di ofresé. Hambrá manera un animal e ta habri bo Karson bulando vários boton paso e no por kontené su mes.

E ta bira wak bo I bisa : hey suku, suku, bo ta wak suku?

E stèm ta hipnotisante I ta wòrdu sigui pa un skuridat. Ku wowo pisa di soño Rob ta habri wowo I ta mira e figura wazig di su mama para den su banda ku ta bisando e: "bai wak suku pa mi. E a kaba mi mester di mas pa traha e bolo nan.

Desapuntá paso e no tabata kantu di awa rondoná ku muhé manera e tabata soñando e ta keda drumi riba kama tendiendo e bla bla di su mama.

Aunke e sa kaba kiko e kontesta ta e ta purba tòg di tin un diskushon ku su mama : "Mi ta kansa, mi a yega kas mardugá mama lagami drumi un ratu."

Mama " Mi no a mandabu yega kas marduga Rob. Bo sa ku mi pia no ta bon si no mi mes lo a kana bai. Bo ta kansami ku e flohera aki. Bo ta kere ta fásil kria abo ku bo rumannan? Bo sa kon duru mi ta traha? Mi stima bosnan pero ta manera kos ku boso no stimami, Ta hopi kos....

Rob: "oké mama e ta bon , kla klaaa. Wardami bai baña mi ta bai bini.

Rob ta lanta for di soño tur zonza, lastra bai den baño. E ta habri e kranchi ku awa friu I dal dos stap patras. E ta purba kue kurashi pa e bula bou di e awa friu. Una bes bou di dje e ta keda frega su kurpa manera hende loko manera kos ku e fregamentu ta keinta e awa.

Su kurpa ta kuminsá kustumbrá ku e awa I e ta rilèks I gosa di e momentu terapéutiko bou di e douche. Rob su mente ta bai leu I bek na e playa ku tur e dama nan. Su eksitashon ta subi I su man ta kuminsá mas serka di su bèl. E ta kue su mes tene pa e por disfrutá mas dushi di e soño I kaba loke su mama a strob'é di gosa di dje.

BAM BAM e ta tende na porta di e baño.."Hasi lihé den baño ei, basta di gasta awa..mi no ta doño di Aquaelectra."

"Ta bon mama" Rob ta kontesta gritando. "Ni baña hende no por baña na drechi mas e ta pensa den su mes". Tur su gana a kita I e ta kaba I seka su kurpa bisti paña.

Rob ta yega na e snack ku ta fungi komo un toko tambe I kumpra un saku di suku. E ta frifri e sèn sobra ku nan a dun'é pe wak maske ta un Busta.

Su atenshon ta wòrdu hòrta dor di e televishon. Riba e pantaya e ta mira un di su SUV nan faborito Range Rover velar. Promé e ta kere ta un propaganda pero ora e sigui wak e ta mira ku ta un di e programashon nan ku ta ilustrá kon e persona nan riku ta biba. E ta keda atmirá e outo I e kas luhoso. E ta lubidá mes unda e ta I ta kompletamente den e programa.

E sala di e kas ta gigantesko I luhoso. E kolo blanku di e interior ta bria manera un djamanta den e lus di solo. Tur kortina den e kas ta habri I e lus ta pasa fásil den e benta nan grandi I iluminá e lugá ku ta yena ku flornan blanku. Rob ta asina deep den e imágen ku e ta sinti e holó dushi di e flornan. E ta hala un rosea grandi pa e inhalá tur e fragansia eksótiko. E ta sinti un man riba su skouder ku ta sake for di su imaginashon. Spanta pa e man onverwachts e ta bira wak.