هل مازلت في قلبك

البارت 1

.......الحياه تتغير لكنها لاتتوقف كلشي ميستمر مثل بدايته لازم يجي يوم ويتغير
الحياه مثل الطقس يوم صافي يوم مغيم يوم ممطر
كنت اظن اكدر اجاوز ايامي الصعبه بوجود امي واختي واخويه الصغير
يمكن جنت اتمنى اخي يكون اكبر مني وهو يتحمل مسؤوليتنا
بعد وفاه ابي
كانت امنياتي بسيطه مجنت اعرف ليش رب العالمين دايما يدزلي ابتلاء يختبر بي صبرك لكن تكتشف لاحقا هذا رحمه من عده فالحمدلله دائما وابداً.....

جنه.... مرحبا اسمي جنه عمري 24 اهلي يدلعوني جناوي
اني من عائله متكونه من بابا وماما واختي سمر (سمسم)واخويه الصغير عبدالرحمن ( عبودي )
عائلتنا بسيطه جدا
بابا من محافظه البصره جنوب العراق من عشيره كبيره هناك  عشيره مربوطه بالعادات وتقالي
اما ماما فهي من محافظه ديالى عائلتها بسيطه جدا ومابيها اي عقد
بابا وماما كانو يدرسون بجامعه وحده جامعه بغداد  المعروفه
بدايه قصتهم مو قصه حب عظيمه تربطهم لكن بابا شاف ماما بنيه مؤدبه واخلاق ومشاف شي مو زين عليها لذالك دخلت كلبه وحب صير هي ام بيته عكس ماما الي اول مشافت بابا دكول حبيته دكول كان عنده غيره ونخوه مشايفتها عند احد حبت بي سماره البصراوي
دايما سولفنا دكول مكان يبين الها حبه لكن بيوم شافها واكفه يم ولد وياها بشعبه هو متحمل قبل مينتهي الدوام رايح عليها وكايللها اسبوع جاي جايين عليكم مشايه وتركها وراح دكول امي ظليت اباوع عليه هذا شبي اكو واحد يطلب ايد وحده بهذه  الطريقه
كانت امي خياليه تظن الي يطلبها لازم يركع على ركبتيه ويمد ايده بعلبه بيها خاتم ويطلب ايدها
وفعلا الاسبوع البعده اهل بابا راحو لديالى وطلبوا امي
ابو امي مقبل امي تروح تكعد بالبصره  وكان حل وسط بين الطرفين كعدو بغداد
بابا ستقر هناك شكد حاولوا اهل ابويه وياه حتى يترك بغداد ويرجع للبصره لكن ابويه مكدر لان انطى كلمه لجدي ابو امي
بابا تعين بعد تخرجه وصار مدرس لغه عربيه وامي ايضا تعينت وصارت مدرسه
كانت حياتهم هادئ جدا تسودها المحبه وغيره بابا على ماما  اكيد
بالعطله كانو يرحون للبصره زياره ومره يرحون زياره لاهل امي بديالى
عمر امي مااشتكت من بابا كانت دكول دايما هو سندها بدنيا وحمايتها وزاد حبهم لبعض يوم بعد يوم
اهل بابا كانوا مقسومين قسمين قسم يحبون امي على حب بابا وقسم يكرهون امي لان اخذت بابا من عدهم

بيوم ولادتي اهل البصره واهل ديالى الكل اجه امي دكول المستشفى جانت مليانه ناس من وراج
اجيت للدنيا وجان اسعد يوم عند بابا وماما وره سنه اجتي سمر وره سنين اجه عبودي  والي كان اخر العنقود
كانت فرحه اهل البصره بي غير عن الكل طبعا هذا ولد وبرأيهم هذا الي يشيل اسم ابنهم

اهل ابويه كانو يجون زياره عدنا صح مو الكل يجي لكن دايما عمه سعاده هي التجي وفعلا جانت من تجي جيبنا السعاده كلش تحبنا كانت ممزوجه وجنا نجهل السبب مع العلم هي موكلش جبيره كانت ثلاثينيه وجميله
جدي توفى واني بالابتدائيه بعدها زاد الضغط على بابا حتى يرجع وفعلا امي طلبت منه نرجع  لكن هو رفض وظلينا كل عطله نخلصها هناك
عمي الكبير هو الي ستلم مكان جدي المشيخه دائما يكلون عن جدي كان  عادل وكلمته تمشي على الكل والناس تجي من كل مكان حتى يحكم بينهم عمي كان مثل جدي صح عادل وحقاني لكن شديد ومن جنا روح للبصره بالعطل نختل من نشوفه لان يظل يحجي ليش ممحجبات وليش وليش  جان عده ولد اثنين واثنينهم ماشاءالله طالعين على عمي شديدين واحد اسمه مثنى هذا الجبير حتى اني اخاف احجي وياه جان يجينا لبغداد مرات والثاني اسمه ايوب
ايوب كان اكبر مني 5 سنوات دايما كان يجي زيارات النا وحتى من روح يمهم نظل نلعب سوه ....