كمل العرس وايوب جان بعرس الزلم بسرعه من خابرنا اجه ماتاخر
صعدت اني وصعدوا اجتي نور لازمه ايدي بيبي وصعدتها بسياره وسلمت على ايوب وظلت تتموع بكلامها وياه انتبهت على نفسي صافنه عليهم درت وجهي بانزعاج هو بسرعه كال يله تاخرنا
سلم ورجعنا بطريق نداريت شفته يباع عليه بالمرايه اني درت وجهي بغرور
ظلت نعيمه تحجي على نور وشون شاطره وشون ماكو منها وشون الكل يريدها ماكو سوتها بس هي وبس اني اباوع صفح لنعيمه اعرفها تريد تقهرني جان اني كلت
شفتو حوريه شكد حلوه عزه مصورتها هيج جميله
نعيمه لصمت على حلكها وماحجت شي وظلت تنافخ سعاده كالت اي هي من يوم يومها جميله
وصلنا للبيت فبنزلتي من السياره عثرت من وره الكعب ايوب بسرعه صاح الله الله ديربالج
اني نداريت عليه وماجاوبته عفته ودخلت شفت عبودي جاي ركض عليه يكلي لحكي سمر تبجي
اني بسرعه دخلت كتله وينها كلي فوك سعاده وبيبي يصيحون شبيها سمر
اني صعدت فوك ركض وسعاده ورايه فتحت الباب شفت سمر تبجي
شبيج
سمر... مابيه
جنه... ولج شكو صاير ليش تبجين ضجتي لان عفناج وحدج
سمر ... مابيه شي جنه
سعاده ... خايبه صاير وكعتي كلبي
سمر... مابيه عمو اجه
سعا ده ... لا بعده مارد
جنه... سمر اجي صاير ترى ضوجتيني
سمر ... تعاركناا اني ومثنى
جنه ... عفيه مثنى شبي هذا شاد وياج
سعاده ... صار وتعاركتو
سمر ... سويتله عشه وكعدنا ناكل كملنا اكل كتله حروح اجيب تليفون اخابر جنه اشوفها وين صارو
صعدت جبت التليفون وجيت شفت بلال دازلي مسجات
سعاده ... منو بلال
جنه ... وياها بجامعه وصار
سمر ... بنزلتي بلال دك اني جاوبته عادي لان الولد صار جم مره يدز مسجات وماجاوبه فكلت خل اجاوبه فحجيت وياه عادي سلام وسئل على اخباري وشداسوي وماسوي
كملت مكالمه واشوف مثنى واكف يسمع كلامي وياه
جنه ... شكد قليل ذوق
سعاده ... خايبه سكتي سمعها تحجي وين زلمه وتريدي يصفكلها وشسوالج
سمر ... بالبدايه ظل هذا منو وشنو بعدين نزل رزايل عليه وكلسع يكلي بنات بغداد كلشي يطلع منكم بله هذا شايف على بنات بغداد قابل بلا اخلاق والله اني يجي عمو واكله يشوف صرفه وياه والله كلشي ميوكف بعينه
جنه ... ميخالف حبي كافي تبجين هذا مثنى ابو العقد
سعاده .... انتي لو عندج اخ جبير جان هم ماقبل تحجين ويه زلمه بالتليفون
سمر ... عمه بلال زميل قابل شعندي وياه
جنه ... كافي سمور من اجينا لهنا شكد بجيتي من وره مثنى
سمر ... مخبل والله عود قبلها جنا نسولف وجنت باديه احبه شويه هسه صرت اموت منه
جنه ... كافي خل اكلج اليوم منو شفنا بالعرس
سمر ... منو
جنه ... حوريه
سمر ... والله لا حرمات لو جايه وياكم وشون شكلها
جنه ... تخبل يانعيمه يابطيخ همزين ولدها طالعين على عمي
سمر ... ونعيمه سوت من شافتها
جنه .... هههه عزه ماتت بس مبين عليها حبابه
سعاده ... اي ورده مال الله
أنت تقرأ
هل مازلت في قلبك
Romanceمــــــــــــــن طـــــبــع العــطر تشتمه گـــل الناس.... بس عطـــرج غــــريب امــــدوخ انفــــــاسي.... نـــاس تحط عطـــر ســاعـه زمـــن ويـروح.... وانتي سنــين عطـــرج نايــم بــراسي....
