سمر ... من يوم خطوبه هو ممعبرني ابد هذا الشي دمرني كلش
حتى صار ميتواجد بالبيت هواي اغلب وقته بره
بمره كلت لازم احجي وياه بعد ماكدر اشتاقيتله كلش الكل نام الا اني كاعده بالمطبخ انتظره
سمعت صوت سياره دخلت للكراج باوعت شفتها سيارته انتظرته يدخل شو تاخر باوعت مره ثانيه مموجود بالكراج وين راح تاخر ومدخل
فتحت الباب وطلعت سمعت صوته بالحديقه
رحت وكفت شفته كاعد بالمرجوحه يحجي بالتليفون ...
ظليت واكفه هو ممنتبه عليه لان واكفه بجهه ظلمه
سمعته يكول ... موكتلج ماكدر اجي
اني سمعته ظليت مصدومه هذا ويه منو ديحجي ظليت واكفه وانتظر يكمل كلامه
كال ... مجاي تفتهمين انتي كتلج لادكين بعد ترى مصايره هاي
شتحبين دخيله الربج وانه كله شفتج مرتين
شوفي يابت الناس انه كلبي خلصان من هاي سوالف روحي لعبيها على غيري
سمر ... سد التليفون وطلع جكاره اني ظليت واكفه بمكاني اخاف اتقدم وماريد ارجع قبل ماحجي وياه
هو كمل جكارته وكام اني بسرعه رجعت دخلت للبيت وركض صعدت لغرفتي قبل ميشوفني
حسيت كلبي دكاته البيت كله يسمعها من الخوف شكد جبانه حتى حجي ماكدرتي تحجين ...
بالليل حسيت نفسي مضايقه كلش ماكدر اخذ نفس
صرت اكح واحس صدري تنك ماكدر اتنفس زين حتى جنه كعدت هلكد ماكحيت
جنه ... شبيج حبيبتي مضايقه
سمر ... ماعرف شبيه كلش صدري متنك
جنه ... ريحه تراب خاف جو تراب
سمر .... كامت شافت من شباك كالت ...
الجو تراب هاي عاصفه ترابيه
سمر ... حموت بعد ماكدر
جنه ... كمت بسرعه رحت طلعت خاولي رحت بللته وجبته كتله ...
سموره خلي على خشمج
وتنفسي
عفته وطلعت ماعرف وين اروح رجلي اخذتني لايوب فوك ظليت ادك الباب عليه ميحس اعرف نومه ثكيل سمعت صوته كال منو ...
كتله اني جنه بسرعه نفتحت الباب جان لابس بس شورت كال ....شكو صاير
جنه ... سمر مضايقه جو تراب ومدتكدر تتنفس
ايوب... ناخذها للمستشفى
جنه ... مادري عفيه مداعرف شسويلها شفته دخل جاب تشيرت واجه
لابسه كال امشي
نزلنا اني وياه ورحنا للغرفه جانت سمر منتهيه تسحب النفس بالكوه
ايوب... سمر روح للمستشفى
سمر ...ماعرف
ايوب... دكومي جنه لابسيها شي خل اخذها
جنه ... ماشي
بسرعه لابستها عبايه واني لابست عبايه
عبودي كعد عالاصوات كناله حروح للمستشفى لان سمر مضايقه
ارجع نام
طلعنا بسرعه للمستشفى الكل نايم جان وصلنا للمستشفى
دخلنا بالكوه لاكينا مكان بيها كومه ناس مختنكه من وره التراب واغلبهم كبار بالعمر واطفال منظرهم يموت قهر
خلولها اوكسجين وضربوها ابره دكتور كال بس تتحسن تطلع
أنت تقرأ
هل مازلت في قلبك
Любовные романыمــــــــــــــن طـــــبــع العــطر تشتمه گـــل الناس.... بس عطـــرج غــــريب امــــدوخ انفــــــاسي.... نـــاس تحط عطـــر ســاعـه زمـــن ويـروح.... وانتي سنــين عطـــرج نايــم بــراسي....
