هل مازلت في قلبك

البارت 25

جنه ... قفلت الباب وره ورجعت اباع بالغرفه ماعرف شسوي رحت كعدت احس كلبي حيوكف مثل وحده جانت تركض سريع
شويه والباب نفتحت اني من خوفي وكفت بسرعه ظلت يده الباب تصعد وتنزل يحاول يفتحها سمعت بعدها صوت خطواته ابتعد
رجعت كعدت واني ماعرف شسوي الحيره والخذلان واهتزاز الثقه شعور مينوصف
وكفت كدام المرايه اباع على نفسي لابسه البدله وكلشي حلو ماعده داخلي احسه مظلم حزين
ابتسمت لنفسي وصرت افتر بالبدله واشوف نفسي بالمرايه فكرت مهما زعل مني ايوب اعرفه يحبني اعرف هسه صاير نار لان قافله الباب ضحكت بخبث اني اعلمك سيد ايوب حشوف مني ايام اخليك تتندم لان سويت ويايه هيج

نزعت البدله دخلت للحمام اسبح بكلبي كلت همزين مسوين حمام بالغرفه جان اني وين سبحت
كملت سبح وطلعت باوعت خليلي قميص نوم عود مجهزيه الي شلته شمرته بالكنتور
طلعت بجامه لابسته وكفت امشط شعري ردت يده الباب صعدت ونزلت دكه مرتين
اني ظليت متبسمره وبس اباع عالباب سمعته زفر الهوى بعصبيه وراح
اني ابتسمت رجعت امشط شعري اخذت مخده ولحاف كلت اطلعها اله بعدين تراجعت كلت خلي هو يدبر نفسه عقاب اله
رجعت مددت بجربايتي الجديده ظليت اباع على جهته صار لو هسه نايم يمي صار لو ننسى الزعل ونرجع مثل قبل
سديت الضوه ظليت انكلب بالفراش اذكر عبودي كل ليله ينام يمي واليوم من شافني بالبدله طلع تليفونه اخذلي صوره
حبيبي شون حضني من طلعت اشتاقيتله ماكدرت انام مكان جديد عليه كمت طلعت التليفون من جنطه ودكيت على سمر
جاوبت الو
هاسموره
هاولج شعندج مخابره هالوكت وين ايوب
بره بعدنا منايمين
اي عيني اليوم صباحي
هههه اي اكلج شلونه عبودي
عبودي شلع كلبي من رجعت لحد هسه متنحس
وينه خل احجي وياه
الو ها جناوي
هاحبيبي شونك
زين
شبيك حبيبي منو مضوجك
اريد اجي يمج ( وصار يبجي عبودي اني هنا دموعي بسرعه نزلن )
عبودي لاتبجي ياعمري اسمع باجر من صبح اخلي جابر يجيبك يمي لاتبجي حبيبي

اي
روح افتح كنتوري شوف اكو باكيت هذا الك
شنوه
روح شوف شنو وانطيني سمر
الو
هاسمسم ديربالج على عبودي كسر كلبي
يمعوده راح ركض طلع هديتج
اي خلي يلتهي الله عليج ديربالج عليه قهرني والله
اي قابل اني مرت ابوه وتوصيني عليه
مو اعرفج انتي وياه بس تتناكرون
لا اليوم حبايب اني وياه لاتخافين روحي عاد مو زوجتي ومخلصت منج
شون اخت بجذب مبجيتي من طلعت مهامج فراكي
هههههه اليسمع يصدك حفاركج روحي يله لايوب
هههه ماشي حبي يله باي
باي

سديته التليفون رجعت مددت بطني صارت طلع اصوات من جوع
ظليت اتكلب ماعرف ساعه بيش يله نمت
————
ايوب.... تحضيرات العرس وتعب والشغل يمكن جان احلا ايام لان حنجمع وياها بيت واحد
رغم جنت اتعامل وياها برود وقسوه ردت انطيها درس حتى تبطل اسلوبها وافعالها ويايه دايما معتمده اني موجود ومازعل بس كلشي الا صبر وصبري خلص من حجيت وياها بالحنه مو من كلبي بس ردت اكسر شويه هذا التكبر الي ضيع سنين من عدنا
حتى من حجيت وياها ماتنازلت وعرفت سبب برودي وياها متنطي بنفسها ابد مع العلم انه افديها بروحي
لو تسئلني تحبني اجاوبها واطلع البكلبي الها
بس انه لو سئلتها تتهرب من جاوبي هذا الشي اكره بيها اريدها تكون صريحه وياي تحجي تسمع كلامي ماريدها تخاف مني اريدها تخاف على زعلي
كل هذا وتناسيته كلت ابدي صفحه جديده وياها رجعت للغرفه لكيتها قافله الباب كلت يجوز تبدل  بس خيبت ضني قفلت الباب زعلانه مجوز من سوالفه صح تعصبت لان جنت احلم بهذا اليوم الصير يمي الي اكدر المسها ابوسها احضنها اخليها تنام بحضني
بوكتها توعدت الها الا اخليها تتندم الا اخليها تبجي من برودي وياها
ومعاملتي هي تريد هيج وانه جاهز ....
————————-
مثنى ... اجه الوكت الي اعرفكم عن نفسي انه مثنى ابن الشيخ علي
عمري 32 سنه
تزوجت بعد اصرار الاهل من فرح الي كان زواج تقليدي مابي حدث مهم