سعاده كالت حروح للسوك تسوك للبيت اني لازكت الا اروح وياها عاد كلتلي لابسي عبايه لان هذا سوك مو مال وحده تلبس بنطرون لان سوك مخضر فلابست عبايه اسلاميه وخليت هيج شال على راسي عن العين
وطلعنا تسوك عمتي واجتي مريه لزمتها من وره ندارت عمتي وحضن وبوس وياها عرفت هاي حوريه صدك كلش حلوه
عاد ظلت ويانه يسوكن ويسولفن
حوريه كلتلها لعمتي حارث مابطل سؤال عليج كل مايخابر يسئلنا عليج
فاني صار عندي فضول اعرف حارث مزوج لا
واريد عمتي تحجي ماتحجي
بعدين حوريه كلتلها والله لحد اليوم امي تتوسل بي يزوج ومايزوج
اني يمكن فرحت اكثر من عمتي لان جنه حجتلي قصتهم
بين على عمتي الابتسامه عرفت فرحت لمن عرفت بعده ممزوج يعني شون وفاء بالحب اثنينهم مزوجوا لحد الان واحد يحب الثاني وعدهم امل يردون لبعض
والفرحني اكثر حوريه كالت لعمتي شي صدمها وهو حارث راجع يريد يشوف امه لان مريضه
عمتي ظلت صافنه عليها متعرف جاوبها اكتفت بيرجع بسلامه
ممعقوله عمتي مفرحت هو اني مشايفته لحارث فرحت
بعدها كملنا حوريه اصرت الا نرجع وياها كالت ابن اخويه ياخذني ونوصلكم بطريقنا
اجه الولد وصلونا لبيتنا من نزلنا سعاده كالت لادكولين لاحد حوريه وصلتنا
اكتفيت بهز راسي كلت يجوز متريد نعيمه تحجي
دخلت للبيت واني بس اريد اشوف جنه واحجيلها ركض صعدت فوك شفت جنه تكوي كتلها ولج حارث حيرجع
جنه ... حارث حارث
سمر ... اي اي حوريه شافت عمتي بسوك وكلتلها جاي يشوف امه
جنه ... شبيه فرحت من يمي
سمر ... اني الطريق كله الابتسامه على وجهي
العصر كاعدين نشرب جاي وبيبي دسولف على منطقتهم وصديقاتها طبعا نصهن ميتات بس سوالفها حلوه
دخل مثنى سلم وكعد
هنومه .... شو فريحه مو وياك
مثنى ... مارحت الها باجر كلت امر عليها
هنومه ... خلها ترتاح
ام جابر ... احضرلك الغده
مثنى ... اي والله
سمر ... اني جنت كاعده والعب بالتليفون شويه واجتي عمتي ام جابر كالت سموره فدوه خليت الاكل يحمى بس اشوف جابر شيريد
اني كتلها اي عمه كمت رحت للمطبخ واكفه اشوف الاكل سمعت صوت الكرسي نجر لتافيت شفت مثنى كعد كمل الاكل صبيتله وخليته عالميز رفع راسه كال
مثنى ... شبيج وياي
سمر ... بدون ماباع عليه كتله مابيه
مثنى ... شمالج كالبه الوجهه عليه
سمر ... باوعت عليه كتله احسن هو هذا الوجهه الي يفيدك
عفته وطلعت
أنت تقرأ
هل مازلت في قلبك
Romanceمــــــــــــــن طـــــبــع العــطر تشتمه گـــل الناس.... بس عطـــرج غــــريب امــــدوخ انفــــــاسي.... نـــاس تحط عطـــر ســاعـه زمـــن ويـروح.... وانتي سنــين عطـــرج نايــم بــراسي....
