طلعنا اني وسعاده وعمتي الكبر( رقيه ) من سعاده رحنا للصالون
فعمتي رقيه فتحت البدله كالت ماكو البركع فخابروا حتى يجيبوا ناسيته عمتي
فدكوا على رقيه كالت طلعي جيبي البركع جابوا
طلعت ادور شفت سياره مثنى جمدت بشارع اريد اتقدم اخاف شفته فتح السياره ونزل اني اتقدمت عليه وداحضرا كلام احجي اله
بس وصلت يمه الكلام الي حضرته نسيته ظليت اباع عليه جان لابس نظارات شمسيه
وكفت مقابيله مدلي العلاكه بدون ميحجي مديت ايدي اخذتها اصابيعنا تلامست باوعت عليه ردت احجي دافكر شون ابدي
كلي ... يله روحي
سمر .. اريد احجي وياك باوع صفح ورجع باوع عليه عنده حركه من ميعجبه شي يرفع تك حاجب
كال... شتحجين
سمر ... ظليت ساكته واحس ريكي صار بي جفاف كلتله.. البارحه قاطعني
مثنى ...روحي ودي غراض سعاده
سمر ... مثنى لسوي هيج
مثنى ... روحي
سمر ... باوعت عليه وعيوني مدمعه كتله لازم احجي وياك عفيه
شفته تنهد طلع جكاره ورثها كال... ودي الغراض وكليلهم حرجع ويه مثنى للبيت
سمر ... ابتسمت اله وهزيت راسي اي. رجعت للصالون ركض نطيت الغراض لعمتي كتلها اني حرجع ويه مثنى لان تعبت ودخت
كالت رجعي
طلعت من صالون توجهت للسياره جان راكب ركبت بصفه
وحرك بالبدايه جنت اباوع عالطريق محد يحجي هدوء
شغل اغنيه ... لياس خضر (تايبين)
اني سامعه لاغنيه بس ممنتبه للكلمات فنتبهت للكلمات بسرعه باوعت عليه جان ايد ساندها عالجامه وخالها على شواربه وايد الثانيه لازم الاستيرن
سرحت بي اووف شون شخصيه يربي يوميه اشوف جماله زايد
قبل جنت اشوفه محلو وضخم واسمر هسه ليش حله بعيني
كتله غير هاي الاغنيه ماحبها جان يمد ايده عالمسجل رفع الصوت عناد وجان يجي مقطع بالاغنيه .... ( لاتجوناااا بعذر كافي لانعود ولا نسامح... عود لايام التجافي لايكون العتب جارح هذا حدنا بس بعد تايبين وللابد )
👇🏻👇🏻👇🏻👇🏻👇🏻👇🏻
درت وجهي للجهه الثاني وخنكتني العبره حسيته تقصد يشغلها حتى يكلي كلشي انتهى لاتحجين ...
طفيت المسجل وكتله لازم نحجي حتى باوع عليه كال ...
مثنى ... اسمع
سمر ... مثنى السويته البارحه غلط ... باوع عليه وهز ايده ورجع يباع للطريق كملت كلامي كتله ... يعني جان المفروض تفتهم مني مو تسرع وتروح للولد باع عليه وحجه بعصبيه
مثنى ... لج ابن السكط كاتبلج اكطع الاسود الابسته انتي ثوله لو ثاولتها
سمر ... جريت نفس كتله ... لا مو ثوله ولا ثاولتها قاطعني
مثنى ... من يعرف انتي لابسه اسود يعني شايف صورتج
بله جنتي لابسه
سمر ... تنوره ويلك ... باوع عليه ورفع حاجبه كتله والله تنوره ويلك ماعندي تليفون جان شوفتك حتى صدك ... هزز راسه وفتح الجكمجه وطلع تليفوني ونطانياه .. اني باوعت للتليفون كلت شحجاني خرب
فتحت جهازي وطلعت صوري اريد صوره ممبين شي بيها ماكو كلها فاضحه كتله ... باع اني حشوفك بس وروح ابويه اخته من اخذت الصوره لابسه شال جنت وكلش ممبين مني ... مد ايده بمعنى جيبي
أنت تقرأ
هل مازلت في قلبك
Romansaمــــــــــــــن طـــــبــع العــطر تشتمه گـــل الناس.... بس عطـــرج غــــريب امــــدوخ انفــــــاسي.... نـــاس تحط عطـــر ســاعـه زمـــن ويـروح.... وانتي سنــين عطـــرج نايــم بــراسي....
