كمنا نتريك هسه كملنا جرس ندك طلعت سعاده ورجعت كالت هذا مثنى بالباب يكول جاي ارجعهم
جنه ... ومنو كله يرجعنا مو اتفقنا ويه جابر يجينه
سعاده ... حتى ماقبل يدخل يكول عندي شغل وكتله العصر انه اجيبهم وحارث يكلي بعد اجيت
سمر ... طبعا اني بس اباع محجيت شي بسرعه بدلنا وطلعنا
طلعت شفته كاعد بسياره ولابس النظاره باوع علينا ورجع ندار
صعدنا طبعا مرد على سلامي بس على جنه وعبودي عرفت زعلان
بطريق جان شاعل اغنيه بس صراحه كلش مفتهمت منها واحد يغني بس موال واشوف يجر حسرات عباله اني دافتهم للاغنيه ميدري اني مثل الاطرش بزفه
وصلنا للبيت طبعا هو مادخل نزلنا احنا وهو راح زين ليش رجعنا بس هيج خباثه
جنه ... رجعنا لبيت جدي وللعصر ايوب ماكو واستحي اسئل عليه احد اظاهر عود مهامني اريد احد يكول وينه ماكو حتى عالغده محد جاب طاريه ابد
بالعشه واكفه اني وحوريه وسمر نسوي العشه سمعت صوت سياره دخلت الكراج باوعت شفت سياره ايوب ماعرف شصار بيه كمت اروح واجي اريد اختل حتى ميشوفني والمشكله جنت اغسل ماعين مو مال اروح واعوفهن عالنص
ظليت مسويه نفسي مركزه بالغسل سمعت صوته كال السلام عليكم اني شنو كلبي راد يطلع من مكانه ظليت ناطيه ظهري اله ردت السلام عليه سمر وحوريه
ودخل جوه كمل العشه وكعدنا كلنا ناكل جان ينزل لابس تراك اسود
كعد ياكل بس كالب وجهه اذا احد يطخه يموته اني ظليت مركزه وياه
سمعت بيبي دكلي ...شو متاكلين جناوي
كتلها ... بيبي اكلت
هنومه ... شكلتي ماشفت حلكج يتحرك
جابر ... حبوبه وانتي صافنه على حلكها
هنومه ... خليك بحالك لا اكوملك بالعصا
جنه ... جابر كاعد بيني وبين عبودي مد راسه عليه كلي ... ترزلت من وراج ضحكت كتله بيبي داسوي رجيم
هنومه ... وانتي كاظيه يارجيم هذ
جنه ... رفعت راسي شفت ايوب باوع عليه بس بسرعه ندار على عمي يحجي ويه عالشغل تنهدت بقهر ماعرف شنو الي اسويه حياتي مدتمشي عدل
خبلتني كل مااكول عدلت ترجع مثل قبل
وره ايام جنا كاعدين كلنا فاني داسولف ويه حوريه سمعت عمي يكول شوكت ناوين تتزوجون
لفت راسي داشوف منو ذوله الي حيزوجون شفت عمي يباع عليه وعلى ايوب
اني ظليت ساكته انتظرت ايوب يجاوبه
ايوب ... الله كريم
عمي... طبعا الله كريم بس حددوا يوم ترى هيج مايعجبني كافي اريد افرح بيكم
هنومه ... اي والله كافي يايمه خل نفرح بيكم
عمي... البيت بعد جم يوم واستلمه يبقى بس الاثاث انتي وياها اتفقوا عليه
جنه ... باوعت بستغراب يابيت هذا هذا سؤالي سئلته نعيمه
نعيمه... يابيت هذا حجي
عمي ... بيت الركن خليته لايوب
نعيمه ... ليش حيعزل
عمي... اي خلي يشوف حياته ياخذ راحته هو ومرته
نعيمه ... وشمعنا مثنى ماعزل مثله
عمي... مثنى هو الي راد يكعد ويانه
أنت تقرأ
هل مازلت في قلبك
Romanceمــــــــــــــن طـــــبــع العــطر تشتمه گـــل الناس.... بس عطـــرج غــــريب امــــدوخ انفــــــاسي.... نـــاس تحط عطـــر ســاعـه زمـــن ويـروح.... وانتي سنــين عطـــرج نايــم بــراسي....
