هل مازلت في قلبك

البارت الاخيررر أعاده

كاعده بغرفتنا القديمه بيت جدو هذا اول يوم النا بي
جان علاوي يمي بالغرفه العب وياه وهو يسوي حركات يخليني  اظل ابوس بي
ندكت الباب كتله ادخل نفتحت ومد راسه مثنى كال ... مرحباااا

شلت راسي كتله ... مراحب
دخل بس ترك الباب مفتوحه بكلبي كلت شو صاير يعرف الاصول

مثنى ... كالو علاوي يمج
سمر ... اي اخذته من خاله نعيمه جان زهكانه منه لان يريد ينشال واحد يفتر بي
وظلت تحجي عليك

مثنى ... عليه ليش
سمر ... دكول كله من وره ابوه هو علمه كل مابجه اجه شاله

مثنى ... وانه شعندي غيره اذا ماشيله اله المن اشيل
سمر ... اخذه مني وكعد يبوس بي وطفل يعرفه ظل بس يضحك ويناغي وياه
شال راسه عليه كلي ... ليش دايما كاعده بالغرفه
سمر... عادي وين اروح
مثنى ... نزلي جوه سامري ويه حبوبتج
سمر ... ههههه حبوبتي كل مانزل تكعد تقنعني ارجع لضرغام
مثنى ... ابقي هنا لاتنزلين
سمر ... هههههههه ليش
مثنى ... حبوبتج تخوط بصف الاستكان
سمر ... هههههههه
ظل يلعب ويه ابنه دخل عبودي ظل يلعب وياهم واني صافنه عليهم
من ديطلع اجه نطاني علاوي كلي ... اعرف جاي يتعبج وانتي من اجيتي لهنا وانتي مسؤاله كله عليه بس

سمر ... قاطعته كتله ... ماكو داعي لهالحجي اني احبه لعلاوي وممتعبني لتتدخل بينا رجاءا وحضنته لعلاوي  هو رفعلي حاجبه
كلي ... ترى عادي اني هم اغار من ابني

سمر .. هههههه مشكلتك

كرصني من خدي وطلع بالليل كاعدين نتعشه وعلاوي بس يبجي ماظل احد ماشاله ويفتر بي هو جان طالع امه خابرته كلتله تعال شوف ابنك خبلنه بس يبجي
اني نقهرت عليه وهو بس يبجي ميسكت اخذته وطلعته بره بالحديقه كعدت بالمرجوحه وهو هم يبجي
طلعتله اغاني بالتليفون وكارتون يباع شويه ويرجع يبجي
ظليت اهزه بالمرجوحه لحد ماغفى
ظليت اخاف اتحرك خاف يكعد واذني سوي وشش هلكد مابجي وعيط

ظليت كاعده بالمرجوحه طلع جابر اجه كعد يمي وظلينا نسولف وكلسع اسويله اش ليكعد
جان يحجيلي على بت جوارينهم معجب بيها بس هي مدايرتله بال
وديسولف
نفتحت الباب ودخلت سياره مثنى نزل منها رجع يسد الباب هو عيونه علينا
اجه علينا كال ... ها الله يساعدهم شبي هذا

سمر ... مد ايده ياخذه كتله لا فدوه هسه نام خطيه تعب هلكد مابجه
مثنى ... شبي خاف شي يوجعه
سمر ... ماعرف والله
مثنى ... جيبي خل اصعده انومه بجربايته
سمر ... اني اوديه خاف يكعد
اخذته وصعدت لغرفه مثنى طبعا هو امه استلمته جوه علمود ابنه
اني اخليته بجربايته وظليت اهز بي لحد ما رجع نام
دخل مثنى اجه وكف يمي كال علاوي مينام عند احد بس يمي لو يم حبوبه