جنه ... وره يومين واني بكل مره اتهرب من نظره ايوب واصلا صرت ماتواجد وياه بنفس المكان اتخيل يذكرموقف الصار بينا
بي بس بمره اجتي سعاده عليه الضحكه ماليه وجهه كلتلي
سعاده .... الجماعه بعدهم مهتمين
جنه ... بعدم فهم .. منو
سعاده ... الجماعه سئلوني يكلولي شوكت كصت شعرها
جنه ... سعاده مدافتهم شي
سعاده ... خايبه ايوب بارحه بالليل يكلي شوكت كصت شعرها
جنه ... وهو شعليه
سعاده ... عوفج من هو شعليه شمعرفه شعرج مكصوص شافج بلا حجاب
جنه ... ها اي بس بسرعه غطيته شبسرعه انتبه
سعاده .... ولج والله بعده يحبج ماشايفته من تمرين من يمه شون نظراته تلاحكج
جنه ... سعاده ايوب يحب نفسه وبس وذاك الموضوع نسد وترى مليت
سعاده ... ماتزوجين اذا هيج
جنه ... جيبيلي عريس واني اتزوجه بس حتى ارضيج
سعاده ... يا غير يحركنا ايوب اجيبلها عريس
جنه ... ترى معليه هو
سعاده ... اكلج بروح ابوج وامج بعده بكلبج
جنه ... ظليت ساكته ... جاوبتها .. حتى لو بكلبي بعده اذاني هواي نسيتي صدك باامه وماصدك بيه
سعاده ... نعيمه لعبتها صح بس لاتنسين رجع واعتذر وتاسف وانتي ماقبلتي
جنه ... ههه رجع واني هيج ماعندي كرامه ارجع
سعاده ... انتي وياه بعده الحب بينكم لاتحرمين نفسج من الي تحبيه ترى الفراك صعب وماينحمل
جنه ... باوعت على سعاده حسيتها تنهيدتها من كل كلبها من حجت هيج كتلها سعاده اريد اسئلج سؤال بس بكل مره استحي اكول خاف ضوجين او زعلين
سعاده ... لا حبيبه سئلي
جنه ... يعني انتي حلوه وبعدج صغيره ممعقوله محد متقدملج وانتو هنا البنات اغلبهن مزوجات بس يعبرن ال 20 يعني اني اعتبر نفسي عنست
سعاده ... الدنيا ما تنطينه كلشي ريده انه تقدمولي كثير زلم لكن كليبي هاوي زلمه وماكدرت اطلعه من هذا الگلب
جنه ... وليش مازوجتو
سعاده ... نصيب كلشي نصيب بهالدنيا
جنه ... يعني هو وينه ليش ماخطبج
سعاده ... خطب بدال المره عشره وكل مره جان الرفض بوجه
جنه ... ليش
سعاده ... جنه كافي كلبتي عليه المواجع ماصدكت انسى
جنه ... زين هو وينه يعني كرايب
سعاده .... لا غريب جان ابن جوارينا المنطقه كلها تحجي برجولته ووسامته البنات ينتظرن بس نظره منه بس هو جان ثكيل حيل
جنه ... وشون عرفتي هو يحبج... شفت سعاده ابتسمت كانما تذكر ايامها وياه
سعاده ... بمره جنت راجعه من المدرسه جنت بالمتوسطه ودنيا تمطر وهاي منطقتنا بس تمطر صير طين لان ارض زراعيه
راجعه واتمخطر بالمشي ومكيفه لابسه حذاء عمج علي من سافر جابلياه وليش ماوكع بنص الطين والماي واريد اكومن ماكدر رجلي غرست بالكاع
ماسمعت الا صوت يكلي الله الله
والتاف واشوفن حارث يافشله الفشله ماصير وكعتي الا كدامه
تقرب عليه وكلي اساعدج
بوكتها كمت بسرعه واني اباع لملابسي الطين صاعد لصدري وملابسي نكلب لونها وانه لابسه الصدريه والقميص الابيض صار جوزي من وره الطين
أنت تقرأ
هل مازلت في قلبك
Romanceمــــــــــــــن طـــــبــع العــطر تشتمه گـــل الناس.... بس عطـــرج غــــريب امــــدوخ انفــــــاسي.... نـــاس تحط عطـــر ســاعـه زمـــن ويـروح.... وانتي سنــين عطـــرج نايــم بــراسي....
