مرت الشيخ جبل (مُكتمله)

" البارت الرابع "

شمس ؛مرت ساعات اهواي واحنه بعدنه بالطريق اني من التعب غفيت مادري بروحي حسيت ع نفسي لمن عمي ابو جبل كعدني وهو يكول

_الشيخ سلمان ؛بويه شمس اكعدي احنه وصلنه القصر

_شمس ؛فتحت عيوني باوعت البيت عباره عن قصر اجبير من تلث طوابق صاير ابنص بستان اكو بالمقدمه كراج جبير يمكن بي ٣ سيارات جانن واكفات انتبهت ع عمي وهو يكول

_الشيخ سلمان ؛فهد نزلنه اهنا وانته اركن السياره بالكراج وتعال

_شمس ؛فهد !!!
_جاا عريس الغفله وينه يعني حت ماكلف نفسه يجي ياخذني من اهلي اوووف

_الشيخ سلمان ؛تعااي بويه وياي من اليوم هذا القصر بيتج واني بمكان ابوج اشتحتاجين لا تستحين اني موجود وجبل هم خوش رجال من تعاشري راح اتعرفينه شنو

_شمس ؛بذني الكلمتين حسيت بالأمان واشويه اطمئنيت اشرتله براسي بمعنى تمام انوب دخل للقصر وكال تعاي اني مشيت وراه دخلنه جوة هذا الحجي الوقت متأخر والدنيه ليل استقبلتنه مرة يطلع عمرهة نهايه الاربعينات شكلهة حلو ومرتبه بس عيونهة جانت تتفحصني بحده كأنما كدامهة شي مو من مستواهة ولا داخل مزاجهة ..

_الشيخ سلمان ؛بويه شميسه هاي بدور مرت عمج وام رجلج الشيخ جبل

_ام جبل ؛هلا بالشيخ نورت هلا مرت ابني الجبير تقربت عليهة وبستهة غصبا عني صار سنين واني احاول اقنع جبل ياخذ زهرة بت اختي اخت ميسون بس ماقنع وفجأه يقرر سلمان يزوجه هاي بت شامل الي ماصدكنه خلصنه منه لحد هس اذكر الفضيحه الصارت واشسوه بنجيه وطرده عمي ابو سلمان بس لا مراح اخليهة تتهنه بجبل وكعدتهة بهل قصر مراح تطول اهواي بس لازم اعاملهة زين كدام رجلي وابني لان ماريدهم يصيرون ضدي وخاصه سلمان لان بيده جابهة لهنانه

_شمس ؛سلمت ع ام جبل ولو احس كلبي مارتاحلهة رغم تصرفاتهة تبينهة طيوبه وحبابه بس مارتاحيت مدري ليش

_ام جبل ؛اكيد تعبانين من الدرب ابو جبل انته روح ارتاح واني راح اخذهة لغرفه غصون خل ترتاح يمهة اليوم وباجر نزفهة ع جبل

_ابو جبل باستفهام ؛صدك يمره وينه جبل بعده مارجع من الدوام ؟؟

_ام جبل بأرتباك ؛هاا لا ما اجه واني خابرته كال يتإخر لان يمر بغيث

_ابو جبل خير ان شاء الله يله بويه شمس روحي ويه ام جبل ومثل ما اني بمقام ابوج اعتبريهة بمقام امج ولاتستحين من شي نفس ما وصيتج

_شمس ؛صار عمي ..
_اخذتني ام جبل وصعدنه للطابق الثاني كلامهة حلو وطريقتهة لطيفه بس كلبي لعب منهة ليش مادري اخذتني لغرفه بالطابق الثاني وكالت

_ام جبل ؛حبيبتي هاي غرفه غصون بنتي الجبيره ارتاحي يمهة الليله _ دكيت الباب ودخلنه