مرت الشيخ جبل (مُكتمله)

" البارت العاشر "

غصون ؛طول الوقت من جنه كاعدين جوه غيث بقه يدزلي مسجات يريد يشوفني المشكله امي وامه والبنات كاعدين ماكدر اكوم واعوفهن اخر شي رانيه طلعتلهة حجه وكومتني رحت صعدت فوك اباوع يمنه ويسره غيث ماكو رفعت التلفون اريد اتصل عليه ماحسيت الا ومدري منو جارني من ايدي وبيده الثانيه سد حلكي متت خوف ..

_غيث ؛صار فترة ماشفت غصون احس ميت ع شوفتهة انوب اني عندي شغل وما افرغ اهواي المهم استغليت يوم عطلتي وقنعت جبل يجيب عائلته ويجي للمزرعه اريد اشوف حبيبتي كلبي طك عليهة بعد ماتحمل الحمدلله كلشي صار مثل ماريد صعدت للصطح وانتظرتهة تجي سمعت صوته من اجت تمشي ع الدرج نزلت افاجئهة جريتهة من ايدهة لحظني وكتمت صوتهة حت لاتصيح ..

غصون ؛افييييششش اجت ريحه العطر بانفاسي واني دخت منو غيره هذا اكيد حبيبي غيوثي حظنته بقوه واني اكوله بعتب هيج ينطيك كلبك تغيب عني وتبقه هاكد مشايفني 😑😞😞

غيث ؛غصبن ماعليه موتدرين شغل ومسؤوليات حقج عليه حبيبتي وبعدين انتي هم عنيده مو اكلج خل نتزوج هسه واخذج يمي ليش متقبلين 😏

غصون بدلع ؛اوو غيوثي مو حجينه الف مره بهل موظوع واتفقنه نتزوج وره مااتخرج اصلا مابقه شي كلهن شهرين واكمل اني اريد من ازوج اتفرغ بس الك 😍

غيث وهو يحك بلحيته ؛اهاا هيج الحجي يفدوه للماخذه كلبي و عقلي 😘❤ ...

شمس ؛كعدت الصبح فتحت عيوني احس شي ثكيل ع كلبي صاعد مديت ايدي بتعب هاي ايد جبل بعدتهة عني ورجعت غمضت عيوني احس بعدني نعسانه واريد انام ..
_لحظه لحظه هستوني يل انتبهت ع نفسي عزززا هاي ايد جبل ليش هو شجابه يمي 😱😱😱
فتحت عيوني وشهكت عزززا وين مريومه وجبل ليش نايم بصفي او السؤال اني ليش نايمه بحظنه 😬😬 طفرت من مكاني انتبهت مريومه نايمه بالجهة الثانيه جبل حس عليه من كمت انوب كعد يفرك بعيونه وكال ..

_جبل ؛البارحه شمس نامت واني بقيت كاعد مكدرت انام صار عندي أرق انوب مريم كعدت تبجي شمس كدما تعبانه ماحست ع صوت مريم تالي اني شلتهة واخذتهة فريتهة جوه بالبيت من هدأت ورجعت نامت اجيت احطهة يم شمس كلت خاف هاي تنام عليهة وتخنكهة متدري بروحهة اذا هيه صرخت وبجت وشمس ماحست خاف كلشي يصير عاد نيمتهة بصفي وصرت اني بالنص بس شمس نايمه بالطرف انوب حاولت انام هستوني غفيت ما حس الا وشمس محوطتني باديهة وحضنتني اني عاد فزيت اباوعلهة بحضني حطت راسهة ع صدري وحظنتي حيل بقيت متفاجئ بهل لحظه ماعرفت شسوي ابعدها او ابادلهة بداخلي اتمنى اضمهة بكلبي بس عقلي جان عنيد ويريد وقت حتى يتقبل كلشي صعب اني اتمالك نفسي تجاهة شمس تعنيلي اكثر مما تتوقع اكتفيت اني ابوسهة براسهة و أمسح ع شعرهة لحد ماغفيت  ...

_جبل وهو عاكد حواجبه البارحه ابد مكدرت انام من وراج انوب كمت افرك بجتفي واكلهة ماجنت ادري راسج هيج ثكيل 😏😌