مرت الشيخ جبل (مُكتمله)

" البارت الثامن "

#شمس ؛صعدت للغرفه اوكل بمريومه واني ادردم وميته قهر اي عيني وي البومه تسولف وتضحك ومن تجي يمي وجهك ما يكَصه الطبر هففف شنو هل حظ الاسود شفتي يمريم عمايل ابوج قطع عليه تفكيري صوت غصون وهي تكول ..

_غصون ؛اشبي ابوهة لمريومه بيمن مزعلج حت هاكد تنقهرين وتبقين تسولفين بكلبج 😌🤭

_شمس بخجل ؛هاا لاا ماكو شي

_غصون وهي تبتسم بخبث ؛امممم عبالي اساعدج بس منطول ماكو شي تمام لعد اروح اقره احسلي سويت روحي داروح من صدك ..

_شمس بارتباك يربي شسوي اكوللهة لو لا بقيت محتاره تالي عطت غصوووون

_غصون انداريت عليهة وبصعوبه كتمت الضحكه ؛هاا

_شمس بضجر ؛هففف تعاااي احجيلج بس اذا اخوج عرف والله اموتج

_غصون تقربت منهة بفضول واني اعرف شنو تريد تكولي قبل فتره واني احس بشمس بدت تحب جبل وكلبهة يميل اله وهو هم عنده كم طبع مغيرهن بس محد بيهم يرضه يعترف للثاني كعدنه ع الجربايه اشوف شمس تفرك باديهة بتوتر وتتلعثم بالكلام مبينه متوترة حت اسهل عليهة الموظوع كتلهة حبيتي مو ؟؟؟!

_شمس بدون انتباه وهي تفكر بجبل ؛اي
_انتبهت ع نفسي عززززه شصخمت غبيه شمس غبيه جاوبتهة بارتباك لااااا عيني شنو يعني لاااا اكيد ما احبه اني

_غصون وهي ترفع حاجبهة ؛هستوج جاوبتي اي يملعونه اني كاشفتج من زمان بس ردتج تعترفين بلسانج لا تحاولين تنكرين

_شمس بخجل ؛يعني حيل واضح عليه ؟!!🙈🙈

_غصون ؛ارتباكج توترج لمعه عيونج حركاتج بالاخص من تفركين اديج كلهن فاضحاتج ع فكره الحب حلو ومو حرام وجبل انسان زين واني كتلج بالبدايه تذكرين ؟؟

_شمس وهي تجر حسره طويله ؛هففف يغصون اخوج هذا ما يفيد وياه لا حب ولا كره اني ادري بروحي دامشي بطريق مسدود

_غصون ؛ميصير تنهزمين من اول مشكله شوفي شمس بهل حياه ماكو شي سهل ومثل ميكولون المؤمن مُبتلى رب العالمين سبحانه وتعالى دائما يبتلينه بالأشياء الي نحبهة حت يختبر صبرنه

_شمس ؛وشنو الفائده حب من طرف واحد جبل ابد ميهتم بيه ولا شمس تعنيله شي لو شايفته قبل شويه ضحكته ما اعلاهة وي البومه زهره

_غصون ؛ههه لج انتي بعدج متعرفين جبل زين اسأليني الي عنه تره اذا ضحك وياهة او سايرهة لان كلبه طيب وماكسر بخاطرهة مو معناهة بينهم شي

_شمس ؛جاا قساوته بس عليه ودوم كاسرلي خاطري !!

_غصون ؛بنفس الوقت يهتم بيج شوفي شمس جبل عنده عقده نفسيه بسبب مرته ساره الله يرحمهة

_شمس ؛بس انتي دتكولين الله يرحمهة يعني هيه ماتت ومموجوده بعد

_غصون ؛اي بس جبل متوقف بهل لحظه ومدايكدر يجاوزهة ابد شوفي هو جان يعشقهة وبيوم الي ماتت كره الدنيه بطولهة وعرضهة وصار قاسي وكلبه جلد تشوفي من بره ثلج ومثل الجبل ميهتز بس بداخله حنيه وطيبه متنوصف هو محتاجج اكثر من اي شخص حت يتخلص من هل ضلام المستحوذ عليه