مرت الشيخ جبل (مُكتمله)

" البارت الثاني "

-

ولا تعشـگ وجوه

ٲعشـگ_گلـوب ٲنظـاف

الوچـه فانـوس گتـلك يـنطفي #ويعتـگ

......................................................

#بعدد مرور أكثر من 40 يوم ع الاحداث السسابقه

_في ديوان الشيخ ابو جبل ...

_جبل بأستفهام؛بويه سولفلي شبيك تره ضل بالي يمك من خابرتني مفهمت شي وحت اجيت ركض لهنا ؟؟

_ابو جبل ؛بويه فهد كوم سد الباب وتعال ماريد جدك يسمع الي داحجي ...

_جبل ؛ابويه صار فتره وضعه ابد معاجبني دوم عازل نفسه ويكعد اهواي بالديوان بوحده مو نفس عوايده الأوليه واشوفه مهموم وضايج اليوم جنت بالمركز واتصل عليه كال هسه ترجع للبيت ضروري اني من رجعت بوجهي طبيت للديوان اشوفه يتلفت ويخاف لا يجي جدي سألته ؛ بويه احجي شصاير ؟؟؟!

_ابو جبل ؛بويه اريدكم تسمعوني زين وبالأخص انته وليدي جبل اريدك تفهم كل كلمه راح احجيهة

_فهد ؛بويه موتت اعصابنه احجي بروح بيبيتي شكو !!

_ابو جبل ؛ اني عندي ابن عم اسمه شامل من عمي محيسن الله يرحمه

_جبل بتعجب ؛بويه شدتحجي ليش مو جدي كال عمي محيسن ماعنده ولد وطول عمره عاش وحيد ومات وحيد

_ابو جبل ؛ابوي اتبره من ابن عمي شامل لمن جان عمره ١٧ سنه وطرده من القصر

_جبل ؛السبب ؟؟؟؟؟

_ابو جبل ؛بويه كبل ٤٠ سنه تقريبا اني جنت بوكتهة بالعسكريه بالخدمه الألزاميه ومن كملت خدمتي نزلت للقصر ولكيت ابوي متبري من شامل وطارده من القصر اني تخبلت رحت سألت ابوي ليش طردته كال امنته امانه وخانهة وبقصري ماكو مكان لليخون ..

_اني مافهمت شي رحت لامي الله يرحمهة وسألتهة شكو كالت ع اساس شامل متحرش بأختي نجيه اني ماصدكت رحت لنجيه اشوفها تبجي وتسب بي لكن ماصدكت بكلامهم معقوله شامل يسويهة لا والله لا تربيته ولا اخلاقه اكدر اشك بيهن شامل مثل اخوي وعضيدي ومايطلع منه الغلط بقيت فتره ادور ع شامل واحاول اوصله بس مندون ما اخلي ابوي يحس عليه لان نبهني ما تواصل وياه المهم بعد سنتين كدرت اوصله من حجيت وياه وسألته عن السبب انهضم وكال نجيه صاحتني بحجه الجربايه مكسوره ورادت ادكلهة بسامير واثبتهة وكالت اني راح ابقه بغرفه سعاد ومن طبيت بدت تعيط وجانت شاكه ملابسهة واجه بهل لحظه عمي ابو جبل وفهم غلط لكن مانطاني فرصه ادافع عن نفسي وضربني وسبني وطردني من القصر واني كرامتي ما سمحتلي ابقه ...

_جبل ؛وبعد شصار ؟؟

_ابو جبل ؛اني رجعت لنجيه وتعاركت وياهة وحجيت الحقائق وجان ردهة الصادم انها مانكرت ولا حت دافعت عن نفسها بالاساس جانت هاي خطه مسويتهة هيه وابن خالي لان جانو يحبون بعض لكن ابويه جان دوم يكول شامل لنجيه ونجيه ماياخذها غير شامل وبعد ما صارت هل فضيحه ابن خالي كال لجدي اني اخذهة واستر عليهة وسد السالفه ولا تنفضحون ولا تخرب سمعتكم بذاك الوكت لزمت نجيه كطعتهة وحت رجلهة بسطته واترجيت شامل يرجع ونحجي الحقيقه لابوي بس هو ماقبل بوكتهة جان بادي حياه جديده واكو رجال فقير يشتغل بالحداده مشغله وياه ومن شايف اخلاصه وتفانيه مزوجه بنته ومستقر اهناك ...