مرت الشيخ جبل (مُكتمله)

" البارت الثالث عشر "

' واول مرهْہ اريدك يالصُدك تنراد 🙆💲

يالحضنَك وَطن وﺳوالفك بَغداد 💛📜

............................................

#في صصباح اليوم الثاني ...

شمس كعدت الصبح منوكت لان شبعانه نوم دخلت للحمام غسلت وبدلت ملابسي لبست دشداشه وحجاب حضرت ملابس جبل والخاولي حطيتهن بالحمام ونزلت جوه بديت احضر الريوك ..

جبل جنت نايم ع بطني اريد اكوم بس متعاجز الاجازه هاي خربت اطباعي صار عندي واهس ابقه بالبيت واكابل شمس ابودي ماشتغل انوب الملعونه من الصبح تغازلني بحيث اجتي نامت فوك ضهري وحضنتني من وره طاح شعرهة ع وجهي يخبل بعده رطب يجوز هستوهة سابحه واني منا مشتاقلهة كتلهة صصباااح الحب والغزل والحنان يروح حبيبج لو تعرفين شكد اشتاقيتلج ميت شووووووك انداريت اريد اشبكهة وابوسهة من كدام وجانت الصددمه هاي الي بحضني    !!!!

شمس كمت تحضير الريوك صعدت فوك للغرفه اريد اكعد جبل ولو ممعقول لسه بعده نايم وماكعد لان اليوم عنده دوام فتحت الباب ودخلت وجان اشوف زهرة بحضن جبل وهو يصيح اشتاقيتلج ميت شووك انوب اندار عليهة وحضنهة بقيت مصطوره بمكاني كأنما راسي نضرب بحديده قويه حيل معقول الي داشوفه بعيوني انوب زهرة كلشي مالابسه استغفر الله شدايصير فهموني شكوو ...

جبل ؛اشوف شمس واكفه بالباب والدموع تجري انتبهت والكه زهرة بحضني مو شمس حسيت الدم جمد بعروكي شنو الي ديصير مافتهم !!
دفعتهة عني وكمت اركض لشمس عطت بصياح شكوو شديصيررر

شمس بذيج اللحظه بس رب العالمين يدري بحالتي شنو انكسار وضياع الم وحزن ليش يربي يصير هيج بعد ما لكيت السسعاده ليش حت افقدهة شنو سويتلك يجبل حت تخوني هيج مشتاقلهة ومتحاضنين ونتو هشكل كدامي ع الاقل لو من ورايه عاد ما انقهر هاكد ...

زهرة تذكرون من كتلكم حطينه مخطط اني وميسون حت انفرق بين شمس وجبل وهاي جانت ثاني خطوه بهذا المخطط كعدت منوكت وسبحت جهزت نفسي لبست سيت نوم مال عرايس وحطيت مكياج انتظرت شمس تنزل لان هيه متعوده كل يوم تنزل بنفس الوقت حت تحضر الريوك ميسون انطتني اشاره لان غرفتهة هم فوك وبقت تراقب شمس وهي الي كالتلي تعاي اصعدي رحت فوك فتحت الباب ودخلت الغرفه جانت ضلمه ومن حسن حضي جبل جان نايم ع بطنه اجيت وخرت الغطه ونمت فوكاه هو عباله شمس وصار يغازلني اعرف هاي حركه خطيررره وجرئه جبيره بس لازم اسوي هيج لازم اضحي بشي حت احصل ع شي وان شاء لله يكون الحظ حليفي هل مره اندار عليه جبل وحضني وهو مو منتبه لشكلي وكل ضنه شمس بحضنه فجإه شمس اجت وجبل انتبه للوضع دفعني بقوه بحيث ردت اوكع من الجربايه وراح يركض لحبيبه الكَلب يحاول يفسرلهة الي صار ..

شمس دفعت جبل ورحت لزهرة جريتهة من شعرهة واني اعيط وابجي ولج ساقطه شعندددددج اهنااا متستحين ع روحج مصلخه ونايمه وي رجلي ..