مرت الشيخ جبل (مُكتمله)

" البارت السادس "

_جبل ؛بعد الي صار طلعت من القصر ورجعت للمركز جانو جايبين متهمين بجريمه اغتصاب ولازم احقق وياهم بداخلي فرحت كلت الله دزهم لزمتهم بالتحقيق مارضو يعترفون تالي طحتلهم دك كتل فرغت طاقتي بيهم بحيث صديقي الضابط جبار هو وحمزه كوه فكوني منهم لحد هل لحظه احس النار تسري بشراييني كلما اذكر شكلهة من تركتهة اشون متكوره ومابيهة نفس خامده مثل الجثه اكره نفسي اكثر ليش اني قاسي هيج ليش فقدت عقلي شنو الذنب الي سوته حت هيج اعاقبهة اوووف

_شمس ؛بقيت بالغرفه مطلعت الى ان سمعت الباب تندك بخوف صحت منو

_غصون ؛اني شموسه حب افتحيلي الباب

_شمس ؛بصعوبه كمت من الفراش واني احس جسمي متكسر من الالم فتحتلهة الباب جانت جايبتلي صينيه اكل

_غصون ؛اليوم جان عندي دوام ورجعت متأخره حيل سالت ع شمس كالت امي مانزلت من الصبح ولسه كلت خطيه خاف تستحي سويتلي صينيه وصعدت كلت اسويلهة واهس وناكل سوه واحجيلهة عن تفاصيل يومي فتحتلي الباب كلش تفاجات من شكلهة وجهة متورم وشفايفهة كل وحده صايره شكدهة ومفطرات عطت بخووف شمسسس هاي شصايرلججج

_شمس بارتباك ؛غصون فدوه ادخلي جوه ونسولف اخاف احد يسمعنه

_غصون ؛دخلنه للغرفه وسدينه الباب واني اتفحصهة بخوف شفت زراك ع صدرهة واباوعلهة كوه تمشي مبينه مبسوطه بس ليش واشون معقول جبل مأذيهة بس هو مايفقد اعصابه هشكل

_شمس ؛بصراحه ماردت احجي لغصون شي بس اهتمامهة بيه جان كفيل انو يخلي دموعي تنزل واسولفلهة عن كولشي صار بتفاصيله

_غصون ؛بقيت متفاجئه حيل من الي صار معقوله جبل يضرب شمس بهل وحشيه وبلا سبب لا ماصدك صح هو صعب وبي اهواي عيوب بس هم يبقه حنون وبي شغلات زينه حاولت الطف عليهة الجو واضحكهة وخليتهة تاكل احس شمس حيل بريئه ومضلومه نفس الوقت من اول لحظه شفتها حبيتهة اوووف يحضج يشمس بس مراح اعوف الموظوع لازم اعرف شصار وشنو السبب

_شمس ؛شكد ارتاح وي غصون فعلا احس ربي رزقني بأخت متتعوض خو بنات خالي الي جانن يغارن مني بكولشي وباول موقف طلعت وجوهن الحقيقيه مر وقت واني وغصون نسولف ونضحك فعلا اتغيرت نفسيتي حيل

_غصون ؛شموسه اني مثل اختج الجبيرة ولذلك اريد انصحج لله شوفي اني ماكلج اخويه جبل ملاك ومابي عيوب لا بلعكس لان ماكو انسان مثالي ابد والكمال بس لله المهم انتي حاولي مرة الثانيه مترفعين صوتج وتجاوبي لانه حيل يكره هل شي وهم شيكلج سوي بدون ماتجادلي هو صح طبعه صعب بس انتي بأسلوبج ومعاملتج الزينه وياه راح تكدرين تكسبي لصالحج وبعد هذا صار زوجج واسفه ع التعبير بس انتي هس يتيمه وماعندج ضهر ع الاقل خلي يصير ضهرج وسندج بهل حياه وحتشوفين جبل شنو وتكولين كالتلي غصون

_شمس ؛اترخصت مني غصون وراحت لان عدهة دراسه اني بقيت افكر بكلامهة من جهة كلامهة صحيح لان اني ماعندي لا اب ولا اخ يسندني فلازم احتمي بجبل لكن من جهة ثانيه جبل مامعتبرني زوجه ولا يهمه اي شي يخصني وسبق وكال مجرد وقت ونتطلك بقيت محتاره بأمري يربي شسوي