مرت الشيخ جبل (مُكتمله)

" البارت الخامس "

#اعذروني داتأخر عليكم بتنزيل البارت 😍😘
#للكاتبه فطوومه التميمي

_شمس ؛الا ان انفتحت الباب اني نزلت البركع وكمت ارجف من الخوف و..

_جبل ؛فتحت الباب ودخلت واشوفلك شمس لابسه بدله بيضه وكاعده ع الجربايه صديت وجهي عنهة وكملت طريقي بدون ما انطق حرف رحت للكنتور فتحته طلعت ملابس الكنتور بي مرايه جبيره ع الباب شي بداخلي كلي باوعلهة رفعت عيني باوعت لانعكاس صورتهة بالمرايه شعرها طويل ويخبل فاتحته ع متنهة ملامحهة موهاكد واضحه لان منزله البركع ع وجهة اتعوذت من الشيطان ورحت للحمام بدلت ملابسي اخذت مفتاح السياره ونزلت بس اريد اشرد من القصر ...

_شمس ؛والله عجيب هل رجال دخل للغرفه ومانطق بحرف اخذله صفنه ع الكنتور يجوز احتار شيلبس انوب بدل ونزل اني بقيت مثل الاطرش كلشي ماعرف المصيبه حاولت انزع البدله بس السحابه متقبل تنفتح خررب بحظي هم اكو هيج وحده عرسهة اكَشر بقيت احوص منا ومنا اندعيت ربي تجي غصون وتفتحهة الي لان جزعت وماكدرت افتحهة كعدت ع الكاع بيأس وانتجيت ع الجربايه لعنت روحي ع هيج حظ اغبر وين اكو عريس هيج بالجذب مبروك ماكال معقول هم مغصوب مثلي لا بس ليش ينغصب هو رجال وشيخ وهم شخصيه معقول واحد يكدر يغصبه ع شي لا ماتوقع بس هو غثيث ومعقد ويتعمد يسوي هيج بقيت ادردم ع جبل لحد ما غفيت واني مادري بروحي

_جبل ؛ طلعت من القصر بقيت افتر بسيارتي ماعرف وين اروح بلحظه حسيت روحي مشتاق لساره رحتلهة للمقبره كتلهة ارجوج سامحيني ترة مو بإرادتي ازوجت ابويه ضغط عليه بصعوبه استجمعت نفسي وتركت القبر رجعت للسياره محتار مهموم وراسي يفتر فكرت اروح لغيث لان اقرب شخص الي بس كلت هس يفضحني ويبقه ينطي نصائح انوب شفت الوقت متأخر كلت ممعقوله تبقه لحد هس كاعده اكيد نامت شغلت السياره ورجعت للقصر بيه حاله مو حلوة ماكدر انام الا بمكاني وبفراشي دخلت للغرفه شفتهة نايمه ع الكاع بالبدله بدون ارادتي تقربت منهة خدودهة بيهن صخام من الكحل معقوله باجيه لا ماظن ليش حت تبجي قابل شسويتلهة ابتعدت عنها ورحت طلعت تراك طبيت للحمام بدلت انوب طلعت ديباج من الكنتور اتقربت منها حت اخذ مخدتي انتبهت للسحابه صايره بالضهر كلت خطيه يجوز ماكدرت تفتحهة بوحدهة علكيف نزلت منهة شويه وانوب عفتهة ورحت للغرفه الثانيه طبعا هاي غرفه بنتي مريم امها الله يرحمهة جهزتهة وسوتهة حت تكون قريبه منا حجم الغرفه متوسط بيهة كاروك جبير واكو نص تخم قنفه جبيره وكرسي اجيت نمت ع القنفه بس اشلون نومه اتكسرت لان طويل وبقيت حاير برجليه وين اوديهن ...

_شمس ؛فزيت الصبح مخترعه مدري شبيه جنت حلمانه بأبويه يجوز كلبه حس بيه ازوجت اوف يبويه تمنيتك بهيج يوم وياي موجود ااخ انوب احس جسمي متكسر اني شلون هيج نمت طول الليل اففففف والله خنكتني هاي البدله باوعت جبل ماكو بالغرفه والفرشه ع حطتهة معقوله لسه مارجع الله اعلم كلت خل احاول وي البدله اخر مرة فشله تجي غصون وتشوفني لسه لابستهة شو بس مديت اديه انفتحت صحت ييييي واخيرا انفتحت صرت مثل الطفل أكمز فرحانه انوب نزعتهة واني واكفه بمكاني كمت احرك اديه مثل الطير من يريد يطير ويهز جناحه يي هستوني يل ارتاحيت منهة انعل يومه اليلبسهة بعد ...