مرت الشيخ جبل (مُكتمله)

" البارت التاسع "

شمس ؛طلعت من الحمام بعد ما سمعت الباب انطبكت كلت اكيد جبل طلع ميبقه لهسه رحت شفت مريومه بعدهة نايمه نزلت جوه بقيت اعزل وانظف كملت الشغل الي عليه صعدت لغرفتي اجتي غصون

_غصون ؛هلو شمس شدسوين ؟

_شمس بملل ؛هستوني كملت شغلي وصعدت اريد اكعد مريوم واسبحهة وهم اعزل الغرفه شويه

_غصون بتفاجئ ؛ليش انتي متدرين ؟؟

_شمس ؛شكو !!

_غصون بفرح ؛اممم اليوم حنروح للمزرعه عمو ابو غيث عزمنه نكمل عطله الاسبوع ونرجع السبت بليل شنو جبل ماكلج ؟

_شمس بضجر ؛اني ماروح والله مالي خلك اطلع ولا اطب اكعد واسكت احسلي وهذا اخوج بعد لا تجيبين طاري كدامي

_غصون وهي تضحك ؛شصاير بينكم يطيور الحب

_شمس ؛هفف كعدت افضفض لغصون وحجيتلهة عن ليله البارحه وعن الي سمعته الصبح ماكدر اذا ما احجي صدكوني احس بالخنكه والقهر

_غصون وهي تفكر ؛بصراحه اني اعرف زهرة حاطه عينهة ع جبل منزمان بس مداصدك الي كلتي جبل طول عمره مامهتم بيهة ولا اباله اصلا انو اكو علاقه بينهم من سابع المستحيلات

_شمس بقهر ؛جاا والسهر وياهة والضحكه الشاركَه حلكه وكلامه الصبح ذني شنو !!!

_غصون ؛اووف يشمس الموظوع ابد مو خالي لازم اكو شي

_شمس ؛غصون بروح موتاج عوفيني هيج اني بدون شي مصدعه لا تدخليني بقصص الحب وهاي السوالف جبل ميريدني من الاول كال هيج لا تشجعيني اتعلق بي اكثر او اتأمل منه يصير الي فد يوم

_غصون ؛هففف يعوبه والله يريدج بس انتي ماعندج صبر موتكولين البارحه بقه سهران ع راسج حت تصيرين زينه جا لو ميحبج يكسر عظامه وينام ع الكرسي

_شمس وهي تبرطم شفايفهة ؛اففف والله هذا اخوج خبلني اشلون بيه وياه مادري 😭😭

_غصون ؛اكلج بلا ملل ونكد كافي ترة نفختي كلبي كومي افتحي الكنتور خل اشوف شعندج ملابس حت نحضرهن تاخذيهن وياج تبدلين بيهن

_شمس وهي تعكد حواجبهة ؛موكتلج ماروح 😒😒

_غصون ؛مو بكيفج عزيزتي يله كومي

_جبل ؛رحت للدوام واني بالي يم شمس بالطريق بقيت افكر بيهة واذكر شكلهة البارحه وهي نايمه وصلت للمركز عندي اهواي قضايا شي مخدرات شي اعتداء بقيت اشتغل لمن خلص وكت الدوام باوعت الساعه ب 3الضهر يوو حيل اتأخرت انوب الجهاز ناسي صامت وابويه متصل 6 مرات اخذت السياره ورجعت للقصر

_ابو جبل ؛اووف عود كتله اليوم تعال منوكت بعد شوكت نلحك نوصل المفروض نطلع قبل ساعه