مرت الشيخ جبل (مُكتمله)

" البارت الرابع عشر والأخير "

#بعد مرور يومان ...

شمس عبالك سنتين مو يومين مرن عليه بحياتي متوقعت جبل هيج راح يتغير بلحظه وحده كلشي بي اختلف تعامله اسلوبه حت نظراته كلهن اتغيرن حاولت احجي وياه وافهمه بس جان عنيد ورافض انه يسمعني غضبه وعصبيته راح يدمرن كلشي حلو عشناه ليش هيج يجبل ليش ..

_القرار الي اتخذه بذيج الليله انو يتزوج زهرة جنت مفكرته تسرع وطيش بس حت يحرك كلبي لكن الواقع جان يختلف ماعرف ليش جبل مصر ع قراره بحيث حت ميقبل احد يجادله بي او يكله ليش واشون بركان ديفور بداخلي لان كلشي احبه وغالي ع كلبي ديضيع كدام عيوني واني مو كادره اسوي شي غير اني اتفرج وبسس ااااااوف منك جبل ..

_جبل بذيج الليله اني حجيت كلام بالاساس مجنت مفكر بي ولا بوعيي من حجيته لكن نظرات شمس وانكسارهة كدامي حفزني اني اتماده اكثر وانفذ الي حجيته انو ازوج زهرة مو لإني حابهة لااا مجرد اريد احرك كلب شمس واعيشهه بشاعه نفس الشعور الي عشته واني اعرف حقيقتهة تجاهي كعدت بوحدي لوقت طويل وفكرررت ردت سبب واحد حت تخوني مالكيت مو سهل عليه اسوي هشكل بس احس صبري نفذ اريد اريح عقلي واهدئ بركان البكلبي اوووف ..

_زهرة بعد يوم من العركه الصارت جبل اجه وحاجاني انو يريد يزوجني اني بوكتهة ماصدكت اصلا طرت من الفرح والسسعاده معقوله حلمي راح يصير حقيقه لااا ماصدك جبل راح يصير الي الدنيه بوسعها مجانت مكفيتني اهواي انتظرت هذا اليوم حت يجي والحمدلله رب العالمين لطف بحالتي ..
اعرف اني الي سويته غلط بس اني احب جبل واني الوحيده الي استاهله راح انسي شمس وساره راح اخلي بس زهرة بكلبه وعقله ...

_بهاي الحياه حت توصل للهدف مالتك لازم اتضحي و تقدم كلشي عندك واحيانا لازم تدوس ع ناس حت تعبرهم ومتخليهم يشكلون عوائق بالنسبه الك الحياه بنظري مو عباره عن مزرعه سعيده وكلشي بيهة لونه وردي لااا الحياه عباره عن غابه جبيرة ولازم تكون ماكر وخبيث وتستغل كلشي كدامك حت توصل للمكان الي ابالك وي الصبر والمثابره ماكو شي مستحيل الذنب الي سويته مو بس اني اتحمل عواقبه لاا جبل هم مسسؤول مثلي و يمكن حت اكثر مني لان اني مغصبته ع شي بالاول والاخير القرار يرجع اله وحده ...

شجاك..؟
آشبرّد آنفاسك..!!
ولا لهفه ولا جلمة عشڪ ترفه ..
ولا من جذب تتغزل ، ولا تسأل..
يتالي آلمو على بالي اشحلاتك
جنـت بــالأول ..!

#بعد مرور اسبوع واحد ع الاحداث السابقه ...

_ام جبل بفرح يمه جبل متأكد من قرارك ترة اني رحت وخطبت المره وكطعنه مهر ومتخوفه منك لان اعرف بيك عنيد ومتمشي بحجايه احد وباجر العقد خو نروح للوادم ونتفشل تكول بطلت ماريد ازوج ..