ليان: شنوووو طلعت وياك حته نحط النقط عله الحروف مو معنها متقبلتك الي سويته بيه مو قليل وينسي بهالسهولة نرجع للعراق واكل لاهلي عله كلشي ونطلك كافي اريد اشوف حياتي واكمل دراستي
حيدر:اني هم ردت نتفاههم وحجيتلج الي بكلبي بس آكدلج الحب الي بكلبي الج مينشرح بكلمات قليله وبمكان عام مااريد هسة اتعبج بكلامي وتضلين تفكرين ارتاحي ومن ترجعين نشوف يلة تصبحين عله خير
ليان: تقدم مادري شراد يسوي بس استغربت من نفسي نفرت منه رجعت ورة وخليت ايدي عله عيوني مردت يتقرب ابد طلع من الغرفة وماادري وين راح بعد اني بدلت ونمت وافكر بي ياترى اكدر اسامحه مستحيل اريد ابدي حياتي من جديد اكمل دراستي واعيش الحب الي اتمنى الانسان الي يحسسني بقيمتي يحبني قبل لا احبه مو ويه انسان باعني بأول عقبه طلعت كدامه
حيدر:ردت اتقرب منهة احسسهة بحبي فاجئني خوفهة مني طلعت افتر بالشارع ونار صارت بكلبي كعدت عله مصطبه طلعت صورهة اكلب بيهن شكد مشتاقلج ومشتاق ترجعيلي مثل قبل وين جنت عن حبج قبل
محسيت بنفسي اله الشمس بعيني تلفوني بأيدي مسدود عله الصورة رجعت ركض للفندق ليان بغرفة ابوهة ديحجي ويه المترجم علمود الدكتور طبيت لغرفتي غسلت وبدلت ونزلت انتظرهم نزلو واني رحت وراهم للدكتور بس بقيت بعيد مخليتهم يشوفوني انتظرتهم سوولهة فحوصات وحجه وياهم الدكتور شويه وطلعو سألت المترجم كال مو من حقي انطي معلومات عن المريضة خابرت لينا
لينا:الوو هلو
حيدر:الو لينا باعي خابري ليان كوليلهة شكال الدكتور وشوكت ترجعون
لينا:ليش حيرجعون
حيدر :لعد ليش مخابرج اريد اعرف خابريهة ورديلي خبر حته اطلع وياهم بالطيارة
حيدر:سديته منهة ورجعت لشارع الفندق بس همة مجوي يمكن ديفترون نص ساعة وخابرتني لينا
لينا:الدكتور كايل الهم تكدرون تسافرون بس تستمر عله العلاج وتسوي فحوصات وتدزهة الي اذا صار شي او حست بألم وحيشوفون طيارة باجر ويجون
حيدر:تشكرت منهة وبقت تقشمر مسلمت ولاسألت عليه بس تسأل عله ليان سديته منهة وطلعت اشتري هدايه الهم فتريت واخذت كم شغله لكل واحد ورجعت للفندق اليوم وين انام البارحة بالشارع بدون لا احس بنفسي
اجرت غرفة ثانيه وهمة ماكو بدلت ونزلت شفتهم ديتغدون جوة بالمطعم كعدت كدام ليان ورة عمي وخالتي اكل واباوع عليهة شكد مشتاق لكعدتي وياهة واكلهة كدامي بنزاكة عفت الاكل وصفنت بيهة حبي الهة كل يوم ديزيد اكثر
شالت راسهة وشافتني نزلت عينهة رأسا ورجعت تاكل بس بتوتر شويه وحجت ويه عمي وتحاول متشيل عينهة عليه كامو واني بقيت بمكاني حرت شسوي وياهة قربي يأذيهة وبعدي ينسيهة اريد ابقه كدام عينهة بلكت يرجع حبي بكلبهة مثل قبل اريد اطمأن متروح لغيري
