حيدر: دكيت ٣ مرات وماكو رد خفت عليهم دكيت عله امي ردت
امي:الو
حيدر:هلو امي شلونج
امي :حيدر انت وينك
حيدر:سمعت ابويه يمهة يكلهة انطينيا اخذة
ابويه:لك حيدر هالمرة اذا صار شي بليان اموتك بأيدي
حيدر:شنو يابه شبيهة ليان عيونهة بيهن شي ........
رأسا وكفت اخذت السويج وطلعت بالتراكسود
ابويه:صارلهة يومين مماكله ومتنزل بس لمن تسأل عليك واليوم وكعت وهي تسألني هم خابرك حيدر اذا صار بيهة شي يا حيدر ماريد اشوفك ابد صدك اتبرة منك
حيدر:سدة بوجهي واني ماعرف شسوي رجعت دكيت طلعت امي
حيدر:يمه بس كليلي وينهة هسة
امي:احنه بالطريق دنوديهة للمستشفى الاهلي القريب علينه
حيدر:ماشي اني جايكم منانه
ماعرف شكد مشيت طلعت طاير للمستشفى وصلت ذبيت السيارة وركضت ادور واسأل لكيتهة نايمه خاليلهة مغذي وديسحبون من ايدهة دم حته يسووله تحليل كعدت يمهة طلعو كلهم واني بقيت امشي ايدي عله راسهة وابوس بيدهة ربع ساعة وصحت بعدهة مغمضة وهمست
ليان:حيدر
حيدر:عيونه وكلبه هياتني يمج حبيبتي
ليان:فتحت عيوني راسي كلش يأذيني شفت حيدر كدمي ابتسمت ودموعي نزلت :اسف.....مخلاني أكمل خله ايده عله حلكي ومسح دموعي
حيدر:اششش لتبجين مو زين عله عيونج انسي الي صار عمري انتي
صحت امي وابويه يمهة ورحت سألت ع التحليل كالو نص ساعة ويطلع رجعت يمهم امي كاعدة يمهة وابويه يباوعلنه مراضي
ليان:عمو فدوة لتكل لاهلي تمرضت
عمو: صيري زينه ورجعي للبيت وانتي بكيفج تخابريهم متخابريهم كيفج
حيدر:باوعتلي ابتسمتلهة:لعد جدو وبيبي وين
امي:اليوم راحو لبيت عمك وعمي حذرنه منكول لبيت عمك عن المشكله الي صارت
حيدر:كعدت يمهم ابويه ضايج وامي تسولف ويه ليان كل شويه ليان تباوعلي واني صافن بيهة مشتاق الهة
شويه وكال ابويه :يابه روح اسألهم يصير تاكل شي هسة وجيبلهة فد شي تاكله المغذي وحدة شيسوي
ليان:ما اشتهي عمو
حيدر:خزرتهة مبتسم :هسة اجيبلج تاكلين
طلعت جبتلهة من اقرب مطعم دجاج شوي ومقبلات تحبهم رجعت للغرفة امي وليان يبجون وابويه ماكو
