حيدر :مردتهة تعوف الدوام وبنفس الوكت جنت اشوف تعبهة لينا جانت مرتاحة لان ماعدهة شي واني هم مجنت اضغط عليهة بس هي تكول شوكت اشوفك ههههه شكد فرحت بحجايتهة بطلت ورجعت لاحله روتين وجودهة قبلي يريحني ابتسامتهة ترتيبهة نضافتهة كلشي بيهة حلو كملنة سنة واحنه سوة مابيناتنه اي مشاكل الى ان بيوم اتعرفت عله واحد اجة
جديد للدوام اتوضف ويايه اسمة رشيد جان مبين عليه انسان مثقف بس للأسف داخلة غلط بغلط صار صاحبي كلش كمت التقي بي حته بأيام العطلة ونطلع بعد فترة عرفت انه يشرب اتفاجأت بي بس بقيت وياه وبأعتبار اني مراح اتأثربي واعرف هذا شي غلط بس للأسف شويه شويه كم مرة يلح بس شويه بس ضوكة
وماعرف شنو بقة شهر يحاول وافقت اني اضوكة ومريتين يغصبني وبالعناد اشرب الى لن كمت كل اسبوع اشرب ويا ومرة عرفت بيه ليان رغم جنت اتأخر حته تنام بس هالمرة جانت كاعدة
ليان:حيدرشنو هاي الريحة
حيدر:ماكو شي اريد انام
ليان :عزة حيدر شارب اذا عرف عمو
حيدر:تحجي وتبجي موتتني دفعتهة وكعت جنت محاس ع روحي وتمددت وغفيت الصبح جان يوم سبت ماكو دوام كعدت راسي يوجعني عصرت عيوني باوعت ليان ماكو اذكرت البارحة خرررب اني شسويت
كمت برة غسلت جسمي وراسي بمي بارد ونزلت جانت بالمطبخ وعيونهة حمر بس اجت عينهة بعيني دمعت مبين منايمة اوووف استغفر الله :ليان عيني جيبيلي ريوك للغرفة ..
صعدت انتظرهة فوك شوية واجت خلت الاكل ودتنزل وكفت ع الباب سديته :تعالي داحجيج .. بجت :خررربيه حضنتهة لتبجين اسف والله اسف مجنت حاس ع روحي
ليان: ليش تشرب لعد متحس بروحك والله ميقبل وانت تصلي من شوكت تشرب من زمان معقولة ومحسيت بيك
حيدر:لا والله مصار هواي احم كلتي لابوية
ليان:اذا عرف عمو حيتصرف بعصبية ويمنعك وادري مراح تترك كل ممنوع مرغوب اكيد حتصير مشاكل
حيدر:اوعدج اترك بدون مشاكل بس هو صديقي يشرب وضل يلح وشربت كم مرة ويا وبعد بالجمعة والسبت مااطلع بالليل حته لا اشرب
ليان:انشالله عود نبات بيت اهلي حته ويه فرقد تلتهي
حيدر:ماشي تعالي هسة اكلي حته تنامين مبين منايمة
ليان:كلش ضجت ع وضعك ولان اول مرة احد يضربني وهيج يعاملني
حيدر:واخر مرة وعد بستهة اكلنة ولحيت عليهة تنام لان وجهه اصفر صاير نزلت اني الصينية وكلت لامي ليان نامت
ماما :حيدر شبيهة ليان مبين ضايجة وهسة حتنام يعني منايمة بالليل
حيدر:لا ماكو شي هيج خلاف بسيط
بوكتهة صدك قررت اترك ومرتين بتنه بيت عمي بغرفة ليان جنه اصلا منام لصبح لينا اللزكة اكيد ويه ليان ونكعد احنه وفرقد الرباعي المرح ههه نبقة بالصالة للصبح مرة افلام ومرة نلعب ورق والشباب ضد البنات دائما نختمهة بعركة اني ولينا لان السانهة طويل مو مثل ليان تسمع الكلام بدون نقاش اصلا هي كلش لايكه لفرقد نفس الطينة ثنينهم مخابيل
