ليان:انت واحد خسيس واناني حته حريتي استكثرتهة عليه مادري شلون بيوم من الايام جنت احبك يمكن هسة شفت وقبل جنت عميه لان عرفت حقيقتك تحملت منك هواي اهمالك وشربك حته ماسألتني بيوم ليش مصار عدنه اطفال او كلت اوديج لطبيب واخر شي كملتهة بخيانه اتمنه يرجع الزمن جان انتحرت ولا فكرت ارتبط بيك اكرهك بكد مجانت شوفتك تريحني وتردلي روحي اكرهك بكد كل ليله نمت بيهة بضلام وصحيت بضلام اكرهك واضل طول عمر اكرهك
ليان:طلعت كل البكلبي وما شفه غليلي ابجي وايدي ترجف واحجي ويا بحركت كلب ضميتهة سنين مشيت واتلطخ وبعد مكدرت اسكت ضليت اصيح
ليان:بيبي بس دليني اريد اطلع بيبي وينج
سمعت فتحت الباب طبت لزمت ايدي بيبي واني ابجي
ليان:صيحي سارة بيبي وخل يطلع الله يخليكم ادري انتي وجدو شتردون عوفوني بحالي بس اريد سارة
بيبي:طلع حبيبتي مسحي دموعج
حيدر:كل كلمه منهة جانت سجين بكلبي بس اني استاهل اذا هالحجي يريحهة خل تحجي اكثر بس لتضم بكلبهة وتحقد اكثر بقيت ساكت وهي تبجي وتحجي وتأشر رغم متعرف مكاني واني اسرح بيهة وبملامحهة الحزينه العصبية شفتهة الترجف وعيونهة التجري دموع وايدهة تمنيت احضنهة واخفف عنهة بس راح تزيد حالتهة سوء
اجت بيبي وهي تردد :خل يطلع وصيحي سارة طلعت للحديقة وعفتهم والغصة بكلبي حته مو من حقي اضوج حجيهة كله صح اني الفرطت وهي صانت
كعدت بعيد عن البيت ماريد احد يشوفني ولا اريد اطلع برة بلكت اشوفهة قبل لتروح شويه وطلعت لازمتهة سارة من باب المطبخ الثاني حته لحد يشوفهة كعدت عله المرجوحة وبالكوة تتنفس وتبجي ركضت سارة جابتلهة مي غسلت وشربت مسحت وجهة بكلينس ورجعت شربت مي وتحاول تهدء يمكن اختنكت جوة
هاي ليان الي جانت تكول البيت بوجودك غير ومن تروح اختنك صار وجودي يخنكهة حالتهة كطعت كلبي وحالتي مو احسن منهة شعوري بأني ضالمهة موتني وشعوري الاكبر بالندم وحبهة الي احسه صار مرض وياكل من كلبي
تقربت يمهم وسارة تأشرلي روح بس مكدرت اخذت وجههة بين ايدي ونزلت شاروتهة
حيدر:مدام وجودي يأذيج اوعدج ما اجي كدامج بعد بس بعد العمليه نتواجه والي تردي يصير لو موتي هم راضي
بست راسهة وطبيت اخذت منوم من الثلاجة لان ماريد افكر هسة خل انام واصحة افكر شلون ارجعهة صعدت لغرفتي ونمت
ليان:هاي ثاني مرة يلمسني واحس بلمسته مختلفة انفاسة ودكت كلبة وهو بقربي مو مثل قبل احس اكو حب بكلبة محسيت بي واني يمه
ماصدكت طلعو بس وصلت بدلت وغسلت وتمددت افكر شنو المواجهة الي بعد العمليه هالمرة مراح اتراجع عن قراري اريد ارجع اشوف
