حيدر:طلعت لينا بعد ما فرحتني يعني جانت يمي كل هالمدة يعني احلامي بيهة حقيقيه ليش مخلتني اشوفهة معقوله عبالهة زعلان منهة اجو جدو وبابا مكيفين
جدو : الدكتور يكول تكدرون تاخذونه باجر وياكم بس لازم يلتزم بالعلاج وتشوفله ممرضه علمود التمارين
بابا: سهله الممرضة انشالله كلنه انساعدة ونتعلم تمارينه اهم شي يرجع مثل قبل
....
ليان:طلعت من المستشفى ويه اهلي رجعت للبيت راسا للحمام وبعدهة نمت من التعب حته مأكلت شي مو بس تعب جسدي وان ما عقلي هم تعب من التفكير
كعدت عله صوت سرمد يلعب يمي باوعت مأذن مغرب واني نمت ب١١ونص الصبح محسيت بنفسي من التعب
سويتلي اكل وكعدت اكل يم ماما وبابا بالصاله وهم يسألوني عن المستشفى وشسويت كملت ورجعت العرفتي كلبت بالتلفون باجر يطلع حيدر للبيت كالو كلهم يرحون واني شلون وين اروح مااريد يشوفني ويرفضني مثل مرفضته لمن طلعت من المستشفى اكيد هسة يحس اني السبب بالي صارله ضليت افكر ومن تفكير رجعت نمت
وكعدت بالسته شبعانه نوم شويت جاي وطلعت للحديقة اشرب رجعت لغرفتي نظفتهة ورتبت الكنتور وغسلت ملابسي وطلعت للصاله رتبتهة ومسحتهة شريت ملابس وطبيت لكيت بابا كاعد
بابا:صباح الخير اليوم شنو هالنشاط من الصبح
ليان:شبعت نوم بعد سنه ماانام
بابا:ههه يجي الليل ونشوف منو متنام
ليان:يعني اني محلفت ضربتلك مثل
بابا:ههه ترحين اليوم لبيت عمج
ليان:مااكدر
بابا:شنو معنه الي سويتي لعد تصرفاتج بالمستشفى تكول مسامحته ولسانج هسة يكول غير شي
ليان:بابا حيدر ابن عمي وجان بيوم من الايام زوجي مكدرت مااوكف ويا بهيج وضع
بابا:بنتي توكفين ويا يعني ترحين تتحمديله بالسلامه او تاخذيله هديه بسيطه متبجين عليه اكثر من اهله وتبقين ايام تباتين يمه رغم رفضي ورفض امجد هذا يعني انج بعدج منسيتي وسامحتي
ليان:بقيت حايرة شجاوبه فعلا طول مااني يمه مباوعتله بنظرة الظالمني او مأذيني بالعكس نسيت كل شي سوا بهاي الايام اتمالكت نفسي كدام بابا
:لا بابا مسامحت ومااكدر اروح وعفيه لتكلوله اني جنت يمه
حيدر:ثاني يوم الصبح اجه الدكتور وسوالي فحوصات كتبلي خروج للعشرة طلعنه اني وابويه وفرقد جابلي كرسي متحرك وساعدوني كالو هناك كلهم ينتظرونك اكيد ليان وياهم كلش مشتاقلهم
طول الطريق افكر بيهة واباوع لفرقد صح علاقتنه مو مثل قبل بس اهم شي رجعو يحجون وياي حته لو عله كد السوأل وجواب وصلنه البيت وتلكوني امي وبيبي وخالتي يهلهلون ولينا فشختني بالجكليت وسارة تضحك وعمي وجدو اجو بوسوني واني بالسيارة وساعدوني انزل دخلوني للكراج واجن امي وبيبي وخالتي يبوسن بيه ومكيفات ولينا اجت بوستني تكلهم اني ادفعه مثل المسلسلات ههه وسارة سلمت عليه من بعيد كلش احترمهة هالانسانه توكف ويه الكل بدون تكلفه وبكلشي يصير النه نلكاهة ويانه
