الكاتبه"بغداد"
حيدر:توني اغفي حسيت بليان تهمس يمي بس مصدكت فتحت عيني وفزيت عدلت كعدتي ابتسمت:حبيبي شجابج
ليان:بابا جابني شلونك
حيدر:سحبت ايدهة بوستهة :زين عمري تعالي كعدي هنانه يمي
ليان:خاله تجي
حيدر:خل تجي شنو يعني بس تعالي .سحبتهة كعدتهة بصفي لفيت ايدي عليهه و حضنتهة خليت ايدهة عله كلبي
حيدر:شوفي شلون يدك وانتي موجودة حته من جنتي ترزليني ههههه نفس الدكة من اول يوم اجيتج وانكتلت من امجد عفت كلبي وعقلي يمج
ليان:كلبه يدك سريع وانفاسه عاليه واني نفس الشي ابتسمت وسحبت ايدي طلعت الساعه من جنطتي باوعلي مستغرب
حيدر:شجابهة يمج شكد دورت عليهة
ليان:من ضربك امجد وكعت منك وسارة انطتهة الي ورة مسويت عمليتي طلعتهة وخليتهة ويه مكياجي كل يوم اباوعلهة
حيدر:اموت عليج اعشق السانج الي ينكط عسل غاليتي انتي
ليان:ابتسمت ونزلت راسي بخجل :هه صاير تحجي فصحه
حيدر:اميرة قلبي احس كل الغزل وبكل اللغات ميكفي وشويه عليج تضوجين من الفصحه
ليان:لا بالعكس حلو من تحجي فصحه بس هسة كوم نطلع حباب عيب من بابا وعمو شيكولون
حيدر:يله كومي تعالي استند عليج
ليان:اي بس مو اكو عكازة انطيهة الك
حيدر:لا ماريد تأذي ايدي تعالي انتي .. تقربت مني حاوطتهه بأيدي وبأيدي الثانيه العكازة و امشي عله كيف علساس اتأذه بس اني قربهة مخربط احوالي ومفرحني دخلنه الاستقبال وعيونهم تباوعلنه بفرح حته عمي ابتسم من شافنه سلمت وكعدنه نسولف ونضحك وليان مثل الفراشه تفتر صبت البقلاوة وجابتهة الي واني اراقب كل حركه تسويهة ممصدك هي يمي
ليان:مرت ايام اني اداوم وحيدر كثف تمارينه لمن يحاجيني انفاسه عاليه تعبان وبسرعة ينام خطيه انقهر عليه واكله ارجع سويهن بس الصبح ميقبل رغم مرات افكار تجي ببالي لمن يتأخر بالاتصال يحاجي منو رقمهة
ليهسه يمه لو هم يروح لرشيد وووووواسأله هواي بس لمن اسأله بطريقه غير مباشرة دائما يطمني واسكت
طلعنه جم مرة للسوك نشتري غراض اني وامي مثل اي عروس بس اني مردت حفله وهو اصر اخر شي اتفقنه يسوي حفله بالقاعة بس شباب الدائرة وصديقاتي وجم واحد من الاقارب يكول اريد زفه طويله وسيارات هواي
١٥يوم مشايفته كلش اشتاقيتله كاعدة بالكافترية البنات راحو يجيبون عصاير واني وحدي بس اتأخرو باوعت من بعيد واحد اجه كأنهة مشيت حيدر بقيت اباوعله تقرب شويه اي والله هو حيدر وكفت مبتسمه يمشي بطوله مثل قبل فدوة لطولك حبيبي
