حيدر:مر عله زواجنه اكثر من شهرين عطلت هي عطلة نصف السنه واني بقيت بدوامي مرات نطلع اني وياهة بالليل نفتر ونتونس ونرجع بعدهة فاتحه حساباتي بتلفونهة ودائما اشوفهة تكلب بيهن بس مااحجي اكثر من مرة يجيني طلب صداقه من بنات وهي تحضرهن من يمهة اعرف بيهة واضوج احيانا بس ارجع اكول ماعندي شي اخفي عنهة خليهة اله مايجي يوم تمل وتبطل الشك
واني حبي الهة يوميه يزيد ساعات الدوام تمر بطيئه اشتاقلهة ومن ارجع ما اضم هذا الشي اغمرهة بحبي
بيوم واني بالدائرة اخذت التلفون اتصل بيهة لكيت برنامج تسجيل مكالمات ضجت وصدك وصلت حدهة عندي جان بعد ساعة ويخلص الدوام حاولت اهدي نفسي طبيت للحمام الي بالدائرة غسلت وجهي بمي بارد وكعدت شويه كلت احجي وياهة بهدوء وامسح حساباتي من تلفونهة وتسجيل المكالمات بلكت تتعود متراقب بعد مو لان خايف بس مااريد تتمادة بشكهة ويصير عدهة هوس طلعت من الدائرة ازدحام كلش
شفت محل مال كيك عفت تلفوني ونزلت اخذلهة كيك دخلت المحل وكتله اكتب عليهة احبك غاليتي واخذتهة شفت تلفوني يدك كلت مارد عليهة هو ربع ساعة واوصل حته افاجئهة بالكيكه وصلت البيت متأخر عن كل يوم
باوعت ممموجودة بالكراج يوميه تنتظرني هنانه دك تلفوني محمد واحد وياي بالدوام بس مليان مكسرات وصاحباته مينعدن رديت عليه واني افتح باب السيارة حته انزل الكيكة
حيدر:الو هلو محمد
محمد:هلو حيدر انت وين
حيدر:بالبيت ليش
محمد:والله اهلك خابروني قبل شويه كالو متأخر وميرد
حيدر:ها لالا تسلم وصلت البيت بس جان ازدحام
سديته وركعت التلفون بالكاع طبيت للمطبخ واني نار مشتعله بيه حته نعمة الله ذبيتهة ذب ع الميز وصحتلهة حته مالي حيل اصعد كلشي بيه يرجف
حيدر:لياااااان
ليان:شكد محاول يثبتلي حبه بس لمن يجي الموضوع للدائرة اتخبل احسهة يمه وعقلي ميشتغل بعد بيومهة فرقد مجاز ومااكدر ادك عليه فتحت الكروب واول اسم اجه كبالي دكيت عليه طلعلي رجال كل جسمي يرجف خوف واني احجي ويا
محمد:الو منو
ليان:ااااا العفو بس حيدر اتأخر وميرد وقلقنه عليه طلع لو بعدة
محمد:لا طلعنه من زمان
ليان:ماشي شكرا مع السلامه
سديته بدون لا انتظر ردة كعدت مكدرت اوكف يارب لتخلي حيدى يعرف دكيت عليه هو وين راح اذا هم طالعين بوكتهة تمنيت يكون شكي صح ولا يعرف حيدر اني خابرت صاحبه بقيت امشي بالغرفه متجرأت انزل انتظرة مثل كل يوم الى ان سمعته صاحني ونبرته تعني انه عرف ردت اقفل الباب وما انزل بس خفت عليه من الضغط
.نزلت امشي بالكوة كلشي بيه يرجف واكف بالمطبخ ايدة ترجف وعمو يحاول يفهم منه شكو هو وخاله رفع راسه شافني تقدم الي
حيدر:تدرين منو هذا الخابرتي تسألينه عليه تددددرين هذا اسقط خلق الله كافي مية مررررررة كتلج ما احب غيرج ثقي وصيري ادميه
بس اني صوجي توسلت وذليت نفسي الج هواي.. شفتيني ما اكدر بدونج تماديتي ليش ساكته انطيني سبب يخلج تدكين عله واحد مثل هذا وتحجين ويا
ليان:دموعي تجري واكف كدامي بركان وصوته واصل راس الشارع صوتي بالكوة طلع :خفت عليك
حيدر:لتكولين خفت كولي شكيت جم مرة كتلج غيرتج اصبر عليهة واتحملهة بيني وبينج .. دخلتي فرقد وسكتت من حبي الج بس مو تدكين عله هيج واحد شسوي هسة شلون امسح صوتج من باله لج كلما يشوفني راح يذكرج ويذكر صوتج ويتمنه يكون بمكاني
ليان:وصل لهاي الجمله ورفع ايده ديضربني رأسا خليت ايدي عله راسي احمي وجهي وعمو صاح
:حيييددررر دير بالك تضربهة
نزل ايدة وطلع للكراج خشمه نزف تخبلت طلعنه ورا ركب بالسيارة وعمو يحجي ويا
عمو:لك بابا وين طالع امشي بالبيت اهدء وارتاح واطلع شوف خشمك يجري دم
حيدر:يابه فدوة اروحلك عوفني اذا بقيت اتخبل خليني اولي وهاي دوة بالسيارة هسة اشربه
عمو: سوق عله كيفك وخابرنه عود
ليان:طلع واني وخاله نبجي باوعت علاكه ع الميز فتحتهة شفت الكيكه صعدت ركض لغرفتي ابجي طلع ديفاجئني واني الغبيه ضيعت كلشي طلع من البيت مباوعلي وخشمه ينزف ومماكل شي وين راح هسة اوووف لليل واني نفس الكعدة ونفس الدموع نزلت اسأل عمو عنه وزاد ناري لمن كال ماكو خبر عنه وتلفونه مكسور هياته
حيدر:يمكن لو باقي بالبيت صدك جان تخبلت اخذت مي وبسكت من اقرب محل شربت الحبايه طلعت من منطقتنه وطوبقيت بالسيارة نزلت الكرسي تمددت
وراسي احسه حيطك من الوجع باوعت الراتب بعدة بالسيارة استلمته الصبح شغلت وطلعت لفندق بابل قريب عليه اجرت غرفه وكعدت حته ملابس مجايب ذبيت البنطرون والقميص وتمددت وبالي عيونهة خاف تبجي هواي وتأذيهة
نمت ماعرف من التعب لو من ناركلبي شلون اداوم باجر واباوع لمحمد اعرف تفكيره كلما اذكر صوتهة بالتلفون وشلون جانت من تهمس تخبلني اموت مية مره
كعدت الصبح لبست ونزلت تريكت و طلعت اشتريت تلفون وملابس ورجعت للفندق نزلت الواتساب وخابرت
ولد صديقي كتله ضغطي كلش صعد وهمه يعرفون بضغطي انطوني اجازة ٣ ايام قفلت التلفون وعفته بقيت بالفندق انزل ع الوجبات ومرات بس مرة باليوم اكل مطلعت من الفندق بعد مفكرت ارجع اريدهة تحس بفقداني خايف ارجع وتكلي وين جنت ونفس الشك بعدهة
ثالث يوم الضهر خابرت ابويه خفت عليهة وعله امي
خاف يصير بيهم شي بسببي
للحكايه بقيه
