الكاتبة "بغداد"
حيدر:رحت للغرفة جدي كاعد اشرلي اكعد كباله كعدت
جدو:اي استاذ حيدر احجيلي شنو سالفة ضربك مقنعتني انو دخلت عركة وانت فرحان بضربهم من اول يوم ولا بينت انو ضايج عله الأقل جان حجيت شنو سبب العركة بين الشباب او الي دافعت عنهم جان بقو وياك
وانتضرونه وثانيا لينا رجعت تسولف وتضحك وياك وانت هم مثل قبل موجنت تكول من اشوفهة اشوف بيهة
ليان تعاتبني وهسة تباوعلهة كأنه العتب الي بينكم راح وأنسه سولفلي شني سالفتك
حيدر:جدو اني رحت وشفت ليان بيوم الجو خطبو لينا
جدو :رحت البيت عمك
حيدر:اي
جدو :ليش رحت
حيدر:متصحلي هيج فرصة بعد وارتاحيت لمن شفتهة وشفت خوفهة علية كلش فرحت
جدو:يعني امجد الي ضربك
حيدر:اي هو لو تشوفهة شلون تصيح بأسمي وخايفة وتتوسل بأمجد ليضربني دموعهة ولمستهة الي متعرف وين خالتهة مرة عله شفتي ومرة عله خشمي ومرة عيوني تتلمس بكل وجهي وايدهة ترجف من خوفهة
جدو:الي داشوفة انك تحبهة واني جنت مفكر انك انجبرت عليهة ولمن اصريت انك ماتطلكهة ظنيت انك ضجت عليهة لان بسببك صارت عميه
حيدر:والله جدو اموت عليهة ماأدري من اشوكت بس من اول يوم باتت بي برة غرفتي وحضني بعد الحادث حسيت بأني فقدت نفسي يمكن متصدكني اذا اكولك اشهر مرت يلة تعودت انام بدونهة ولحد هذي اللحضة اذا مافكرت بيهة اوشفت صورهة ماأتهنة بنومي
جدو:شعجب مطالبت بيهة هي ليهسة مرتك وتكدر تجيبهة البييت الطاعة
حيدر:لا جدي ماأريد تكرهني اكثر اني بعد كل الي سويته بيهة مقبلت اطلكهة وعاندت لان هم طلبو الطلاك بعد شهرين من الحادث يعني لمن عرفت نفسي ماأعيش بدونهة واجه ببالي اذا تطلكت يعني تتزوج ووقتهة صدك اتخبل
جدو:لعد شمفكر تبقيهة هيج
حيدر:لا انشالله بس منتظر عرس لينا مااريد آثر عليهة وهي وعدتني تحجي وياهة علمود العمليه
جدو:ههه انسه حيدر ليان ابن صديقي شايفهة وعاجبته ويدري بحالتهة وموافق بكلشي ويكول حته خدامة اجيبلهة بس توافق والولد كلش خوش ولد واني اريد انطيهة حته لو اجبرهة
حيدر:شنووو منو هذا بالله ؟....عافني وطلع واني احس نار وشبت بكلبي طلعت ورا بس هو طب الغرفته خجلت ادخل ورا
رجعت الغرفتي والهم اكلني بس شيردون يسوون وهي مرتي ماأطلك لو يموتوني ليان متصير الغيري
مرت ايام وجدو ميتواجد بالمكان الي اني بي هووواي حاولت احجي ويا بس هو مخلاني وكل يوم اشغل نفسي بميت شغله وهم افكر بيهة حته واني اشتغل هي ببالي اشتعل نار لمن افكر بزواجهة من غيري اخر يوم المغرب
