الكاتبة "بغداد "
لينا:حبيبي انت جوعان واني هم خل ناكل واحجيلك
فرقد:ماشي نرتاح ونحجي بعدين
ليان:نزلت اصبله الغدة وقررت احجي وياه بلكت يوديني لدكتورة نشوف شنو السبب اكثر من مرة حجيت ويا يكلي امي وخالتي يتأخرن هيج وحته ليان بداية زواجهة مصار عدهة حمل اخذت الاكل وصعدت لغرفتي ليكته مبدل وكاعد شافني ابتسملي :عاشت ايدج عمري
لينا:كعدنه ناكل وهو يشاقه ويضحك واني مالي نفس اضحك لان بالي مشغول خاف هم يرفض
كملنه اكل ونزلت الصينيه غسلتهن وصعدت جان متمدد اشرلي عله ايدة رحت تمددت يمه
فرقد:اي حبيبي سولفيلي شنو المضوجج اليوم
لينا:اريد اروح دكتورة اشوف ليش ميصير عندي طفل
فرقد :حبيبتي موحجينه بهالموضوع هواي
لينا:اعرف بس يجوز ينطونه علاج ويصير عندي حمل عليه خل نروح حباب
فرقد:ماشي لخاطر دموعج الماحب اشوفهن تحضري باجر العصر نروح
لينا:صدك حبيبي شكرا شكرا...
ثاني يوم سألت صديقتي كالت اكو وحدة قريبه عله بيتنه جديد فتحت عيادة تعالي وشوفيهة كلت لفرقد
والعصر رحنه بس اني ويا مقبل نكول لاحد كللهم نروح للسوك فحصتني وصاحته وكالت عندج مشاكل وميصير عندج طفل وعلاجج مو بالعراق تخبلت طلعت رأسا مبقيت بعد اختنكت من المكان طلع فرقد وراي واني ادور السيارة بس اريد انعزل عن العالم الي دتباوع عليه لزم ايدي ومشاني للسيارة صعدت وهنانه بعد مكدرت خليت ايدي عله عيوني وبجيت بحركه
فرقد:حبيبتي كلبي انتي جذابه هاي متفتهم جديد فاتحه العيادة شوفي حته مو هواي يجوهة باجر اخذج لاحسن دكتورة هنانه بس اهدي
لينا:فرقد وديني لبيت اهلي حباب
فرقد:شتسوين هناك هسة نرجع البيتنه
لينا:فرقد الله يخليك اريد امي
فرقد:اوووف ربي ماشي تدللين هسة اوديج
اخذتهة لبيت عمي خالتي كاعدة بالحديقة هي وليان بيبي لينا ركضت حضنت خالتي وضلت تبجي
خالتي :شبيج ماما شكو فرقد خوفتوني
لينا:ماما اني ميصير عندي اطفال
خالتي:يا امي شمدريج هذا رزق الله اعلم
لينا:والله ماما الدكتورة كالت
فرقد:كلبي تكطع عليهة وهي فرفحت بجي متحملت كومتهة من خالتي ودخلتهة لغرفتهة سحبتهة للجرباية وهي دموعهة شلال بقيت حاضنهة واهدي بيهة شويه وحسيتهة غفت اخذت تلفوني خابرت صديقي لان مرته تشتغل بالمستشفى كال اخليهة تشوفلك وبالليل اردلك خبر بقيت اتأملهة وهي نايمه والدموع بعينهة اووف ياربي والله لو علاجهة بأخر الدنيه هم اجيبه بس كون اكو علاج
