الكاتبه "بغداد"
ألن اراك يا دائي
ليان:سديته من بابا وضليت ابجي وارجف شويه واجه بابا وامجد جايبين جدو وعمو اجاني بابا واني بالكوة وكفت حيل مابيه حضني ويهدي بيه
عمو :ليان بابا شبي حيدر شلون انضرب
امجد:شجابه يمج شيسوي بالكليه
ليان:زادت دموعي لان وضعي ميسمحلي اشرح الي صار وامجد شأحجيله هسة انتبهلي جدو واجه يمي سحبني بهدوء من بابا
جدو:متشوفون حالته عوفوهة ترتاح وتهدء وهي تحجي تعالي بابا ويايه امجد شوفلنه قرآن منا جيبه لليان
ليان:مشيت ويا للحمامات
جدو:طبي بنيتي غسلي وارتاحي وتوضي وتعالي اقري قرآن وادعيله الله يدري بكلوبكم وراح يساعدكم ماعندج غيرة هو الي يجبر بخاطرج وخاطرة
ليان: طبيت توضيت وطلعت اخذت القرآن وكعدت اقرة ويه كل ايه ادعي ربي شافي وعافي ضليت اقرة تقريب الساعة من شلت راسي وانتبهت للساعة تأخرو جوة باوعت لجدو
ليان:جدو ليش اتأخرو محد طلع ليهسة
تقرب كعد بصفي
جدو:سألناهم وكالو يتأخر لان وضعة حرج باباتي انتي محجيتيلنه شصار وياكم مدامج هدئتي وامجد وابوج ميسمعونه كوليلي حيدر شجابه ليمج
ليان:اجه علمودي . بجيت وحجيت الجدو من اول مرة اجه وحرجني كدام البنات لحد الضربه وانهاريت
جدو:مشفتي الضربه وين راح معقوله ضربه ومشه هيج اذا صار بي شي لاسامح الله منرحمه
ليان:جدو اني السبب لو كايلتله الولد اجه عله منى مجان عصب لو باقيه ويا بالسيارة جان متسرع كل هالسرعة
جدو:اشششششش موانتي السبب هو قدر وراد يصير انتي مالج ذنب
ليان:حضني جدو شويه وراح حجه وياهم وامجد باوعلي مراضي عله تصرفي هالمرة ماريد ارضي احد كل الي اريدة يكوم حيدر بالسلامه رجعت اقرة وادعي الى ان طلع الدكتور كلنه كمنه نسأل شصار كل هالوقت
الدكتور:لمن وصلنه كان وضعه حرج الضربه براسه وضغطة صاعد مسببله جلطة والحمدلله صيطرنه عله الضغط والجلطة خفيفه كانت يعني مراح تأثر عله مشيته اوحركة ايدة بس احتمال حلك شويه ينحرف وفترة قليله ويرجع مثل قبل بس منعرف شكد راح يبقة فاقد ممكن يصحه بعد دقايق وممكن يطول اشهر كلشي بيد الله
ليان:دكتور يصير اطب شويه اشوفه
الدكتور:زوجج هسة تعبان خل يرتاح ساعة او ساعتين وادخلي شوفي
ليان:رجعت لمكاني مادري شسوي شلون احسسه اني يمه ومراح اتركه هالمرة مستحيل اعوفه اجه امجد يمي
امجد:ليان كومي للبيت انتي تعبتي اليوم
ليان:لا اني ابقه يمه لحد ميصحه
