#ألن أراك يادائي
الكاتبة"بغداد "
كل يوم يمر مثل القبلة حياتي صارت فارغة وماببهة شي مهم من قبل ٣ سنوت كأنهة وكفت ..............
طلعت من غرفتي وواني اتلمس الحايط والباب اتعودت ع العتمة من ٣ سنين واني ما اشوف شي ويوميه اراجع اركان البيت اخاف انسة الصورة البالي
دأسمعهم يتريكون بالصالة ونور حبيبتي ركضت تلزم ايدي ليان:صباح الخير
بابا:صباح الخير
امجد :صباح الحب عيني الله يثخن لبنجن انتي وهالنور لج اني ابوهة لو اطلع سنة متركضلي هيج
ليان :وانت شكو غيران عندك سامر يركضلك وامة خوب تطيرلك مو بس تركض
ماما:تعالي اتريكي من صباح الله مداهرة هذا اخوج ميجوز
نور:عمة ماما سوتلي بيضة تاكلين وياية
ليان:اي حبيبي اليوم عاجبني بيض اكل وياج
بدت نور اتسويلي لفة الي والثانية الهة حبيبتي عمرهة ٩ سنوات من صارت وهي يمي ومتعودة عليه وامهة مرتبة علمتهة من صغيرة ع الترتيب والنضافة عدهة سامر هم نفس النضافة والترتيب هي تنام يمي واني ماكدر بدونهة خاصة ب الفترة الاخيرة احتاجهة هواية فسريرهة يمي
فرقد :بابا بالجمعة نروح للزوراء كلنة نتونس والبنات وامي هم مطالعات
امجد:لاميحتاج اني وسارة متفقين نطلع الجهال ونور متعلمة عله عمتهة مترتاح روح انت وحدك
فرقد:ليش هيج اتخرب الطلعة نطلع كلنة مرة وحدة شكو كلمن رايح المكان
امجد:يعني عبالك ماعرف ليش تريد تروح وتاخذ ليان ولو تموت ماخليهة تروح فهمت
بابا:شكو امجد ليش دتصيح
امجد:ماكو شي بابا تردون روحو انتو بس اني ابقه هنا وليان هم
بابا:غير اعرف شكو
امجد:سارة اخذي ليان للغرفة
ليان :ليش داروح شكو امجد
بابا:احجي انت فرقد شكو شبي اخوك
فرقد:ماكو بابا بس ردت انروح نغير جو وشسمة
امجد:وعازم بيت عمك واول الحاضرين هذاك العار
لك انت شنو مدتشوف اختك وين وصلت حرمهة عيونهة وانت مجلب بيهم وب بنتهم
ليان:انصدمت بفرقد هذا الموضوع انسد من زمان
:امجد لتصيح خوفت جهالك انتو تعرفون مااطلع بهذا الوضع وشكو طالعه واني ماشوف المكان الرايحتلة
نور حبيبتي تعالي دنروح للحديقة ..طلعتني نور
نور:عمة تكعدين بالمرجوحة
ليان :لا عمة خل اكعد ع الميز وانتي روحي كملي ريوكج ..راحت واني بقيت اذكر حبي اله كل العشتة وياه سنة ونص بس حبيته وكأني احبه سنين قبل الزواج.
دموعي حركت كلبي قبل خدي اتمنه اكرهة او انسه الصار وارجعلة وثنينهن صعبااااااات اخذ كلبي وبعدهة عيوني
شميت عطر فرقد عطرة مميز وكلش قوي امجد دائما يكله .شدعوة هلكد تخلي هيج ريحتك خايسة وتضمضم بيهة اجة و كعد كبالي .....
فرقد:ليان اني ماأكرهج ولا هينه عندي دموعج بس والله هو مسافر و ردت ننجمع احنه بدونه وانتي تعرفين احب لينا قبل لتزوجين البارحة الليل كله تبجي عليج لان جنه نسولف وجبت طاريج تكول اشتاقتلج وهي مالهة ذنب
ليان: اني صح ضجت لان انت هيج فكرت بس مستحيل افكر انتو ممكن تكرهوني اني ماعندي غيركم ولا عدكم غيري اخت
فرقد:لتبجين كدامي بعد اشوفهة بيج واشوفج بيهة انتن نفس الشي وثنينجن عندي خط بنقرازي
ليان:هههههه وين اكو هيج لون
فرقد:شمدريني وهسة اطلبي شي حته نتصالح بي
ليان:هه مزعلانة منك اني
فرقد:عفية لج انتي عسل تدرين بأخوج ممستلم راتب بعدني ومتضرر حاليا
ليان:كلت مزعلانه مو كلشي ماريد
فرقد:هااااااا يوووووم صحتيننننني جاااااايج
ليان :ههههههه هو انت ولينا نفس الخبال
للحكايه بقيه
