One Shot Stories Compilation

MAHAL

LUNCH TIME!

Boy: Sago't gulaman po, 'yung tig-12 lang.

Tindero: Tig-kinse na ang dose dati boy.

Boy: ... Sige, 'yun na lang po.

Girl: Ang mahal naman, dapat 'di ka na bumili.

Boy: Nauuhaw na ako eh.

Girl: Sana nagtubig ka na lang.

Boy: Ito gusto ko.

Girl: Napakagastos mo talaga.

Boy: Hahaha. Hanggang sa may pera, gumastos ka. Hanggang sa may pagkain, kumain ka.

Girl: Matuto ka naman sana magtipid.

Boy: Next time.

DISMISSAL!

Girl: Ito bayad ko, sabay mo na ako.

Boy: Ako na, libre ko.

Girl: 'Wag na. Baka mas malaki pa bayaran ko kapag nagpalibre ako sa 'yo.

Boy: Kaya nga libre, 'di ba? Walang kapalit.

Girl: Naku, 'wag ako. Wala ng libre sa mundong 'to. Kahit buy 1 get 1 binabayaran ko.

Boy: Ililibre ka na nga ang dami mo pang sinasabi.

Girl: Hindi kasi ako kasing yaman mo. Kailangan kong maging praktikal.

Boy: Paano tayo napunta sa ganyang usapan?

Girl: Ewan ko sa 'yo, hahaha! Magbayad ka na nga!

Boy: Hahaha, bayad po, dalawa po 'yan estudyante!

Driver: Kulang 'to boy! Php 9 na ang minimun sa jeep!

Boy: Magkano po kulang?! (dumudukot sa wallet)

Driver: Dos pa!

Girl: Teka ako na---

Boy: Makikisuyo po.

Girl: Ito ambag ko.

Boy: Sa 'yo na 'yan.

Girl: Ayoko magkautang na loob sa 'yo.

Boy: E 'di bayaran mo na lang ako kapag kailangan ko na niyan.

Girl: ...

Boy: ...

Girl: Okay.

Boy: Good.

Girl: Lahat na yata nagmamahal ngayon, mukhang kailangan ko na namang tipirin pa ang tinitipid kong baon.

Boy: Magmahal ka na rin kasi para 'di ka napag-iiwanan.

Girl: Baliw, hahaha. Bakit ikaw? Magmamahal ka na rin ba?

Boy: Hindi.

Girl: Kitams, hahaha.

Boy: Paano ako "MAG"mamahal kung MAHAL na kita?

©