مساء الخير احبتي 😍😍
حكاية زمزم
بقلمي#ام غايب
والله مااسويهه لو يبقه اخر يوم بحياتي...يمه انتي صدك تحجين
اي احجي صدك ..لعد شنوهو احنه لعبه بيدج اريد اتزوج ... تزوجتي .....حجينه منرديتي ..هسه اريد اتطلك انتي شنو مالج رداد
هسه تخابرين رجلج
والله مااخابره ..يمه ذلني تعرفين شنو ذلني ....يوميه انتي كرعه انتي هيج انتي هيج مااريده ..اكرهه تعرفين شنو كمت اكرهه..احجي وابجي
ولج خايبه منو الراد يحرك روحه ..ولج كم مره كتلج ضابط يلعب لعب بيج منرديتي
وانتي يمه معرفتي تمنعيني مثل مدتجبريني هسه اخابره وتكوليلي غصبآ ماعليج
هااااا خايبه انه مامنعتج ولج زمووو ولج الاخر لحظه واكلج يمه تراجعي ..انوب هسه طلعت انه ماموكفتج
يمه ماردله والله العظيم يمه أذاني حيل
يمه تستاهلين والله ..طبج حريشي هذا المايسمع كلام الاكبر منه يلله ..يلله خابري وخلي يردج مالي خلك مشاكل ولا الي خلك سوالف الناس هذا اختيارج الج انتي الجذبتي تتحملين صريبة جذبج
والله ماخابره وشتسوين سوي شنو ماعندي كرامه اتوسل بي وهو ميريدني اصلا
طيبه/يمه زمزم اذا تخابره هسه يأذيهه بالزايد
ويعرف ماعدهه احد وراهه
ليش هيه عدهه احد وراهه مشكلتجن بناتي تحجن بزود وانتن ماعدجن احد ..... طبعآ ماكو احد مو ذول عمامدم مابيهم واحد حوك سافرو وعافو ولايا ومسألو
خلولي بركبتي ٣ بنات والزمن صعب ويلطش بيه ...باعي يزمزم تخابرين علي هسه وتتعذريله واذا متخابري اخابر على عمامج اكلهم تعالو اخذو بتكم انه ماخلي بت اقل الشهر زواج وتطلكت
يمه والله ....هيج تحجين انتي ...
اي لعد شنو ...ماعولت الولد ميطلكج تريدين ترديلي
الولد شاريج الحد مراد يروح كال انه رايدهه وهيه ماتريدني شنو يبوس رجلج بعد فوك جذبتج
يمه جذاب والله ...والله يأذيني شبيج ...حقيررررر والله حقير
تعبتيني يه زمزم تعبتيني وانه ماحمل تعب .....تعبتيني متسمعين كلمتي انتي الوحيده من دون خواتج
يمه انتي ليش متفكرين بيه ..والله مااخابر ..والله
طبيت للغرفه وطبكت الباب حيل خليت مخده بالكاع ونمت على وجهي جفي وكمت ابجي على حضي وفوك حضي كلام امي
أنت تقرأ
حكاية زمزم
ChickLitها يا مرايتي تحديتج بيوم من الايام وكتلج زمزم انثى وراح تلبس بدلة عرس هاي اني اليوم واكفه كبالج بالبدله اني زمزم معنى اسمي البئر المباركه بس معروف الزمزم ماء لا لون له ولا رائحة ولا طعم، فضلاً عن أن ماءه حلو نقي يخلو من أي ملوحة أو مرار، ولا يتغ...
