حكاية زمزم

البارت42

&&&حكاية زمزم&&&

..... بقلم ام غايب .........

سكت .....حبيبي ....الووو شكلك غفيت ..علي ....محسيت غير صوت شحطة السيارة وهورنات ترست اذني

علي ....علي ....جاوبني ...علي ...حسيت هنا خلص ...انتهى كلشي علي راح مني ......اصيح وماكو .........بس اسمع هوسه مدري اصيح مدري انتبه على الاصوات وشيحجون ماافرزن

علي ..كمت اصيح بعلو حسي .....ولازمه الموبايل ...جاوب ...جاوووب علي ...لترووح فدوه اروحلك ...الله يخليك لتسويهه بيه

صعدو طيبه واحمد على صوتي
..

شبيج زمزم

طيبه/حبيبتي شبيج

اختفه نفسي وحسي ....باوعت ودموعي تجري

علي يمكن راح

وين راح

راح..... جسمي يرجف ..مدري شصار بيه ...صفنت وبس دموعي كامن ينزل ....وصدري اختنك ....

زمزم شبيج حبيبتي

راح علي ....من ورايه والله ...جر الموبايل احمد

الوووو

يمعود خبلتنه...زمزم مدري شبيهه

اجيك

هاااا .يلله لعد منتضريك

راح علي ...فصلت من الدنيا ....وجلبت بهالكلمه

احمد/زمزم هذا علي مابي شي ...

راح ...راح

طيبه/زمزم حبيبتي مابي شي والله .....وهسه جاي مو سمعتي

عليج الله ..وين شو مسمعت

هاي توه حجه وياي ....حتى مصاير حادث كال ربك ستر اله شويه واصير تشريب لو ما فاز من النوم .... وهاي قريب هسه على جيه .....

انطيني الموبايل

طيبه..من تهدء نزلي اني رايح اجيب السيد واجي

طيبه/وين اكو سيد بالعشره بليل

موجودين هوتي ..وبعدين اني متفق ويه السيد

اخذت موبايلي ....اتصلت ..بس شنو احس الحد الان مصدومه وومصدكه ....

جاوب ..واني ابجي

ها يروحي

علي انت مرحت

حبيبتي انتي مابيه شي والله ...لتخافين عليه بسبع ارواح

كثر بجيي

هاي تبجين لان بسبع ارواح اني لو شنو حددي

علي لو صاير بيك شي ..مااكدر اعيش بعد والله ....والله اموووت

حبيبت كلبي ...كافي لتبجين والله مابيه شي

ظليت ابجي ....حتى من سديته منه وسمعت صوته ....بيومهه تأكدت اني مترهملي الضحكه .....ابد