احجيلي شصار وياج ....بروح امج ...احجيلي كلشي صار وياج ....من طلعتي ...لان عقلي يوجعني ....احجيلي الصدك ولتجذبين عليه بحرف واحد
سكتت
ليش سكتي ...شصار وياج ووين رحتي نهار كامل ...وشوكت طلعتي ...من شوكت واني مثل المطي نايم ..وانتي تفرفرين بالشوارع .
سكتت
اااااااااحجي ....لتخبليني شنو خرسيتي
شوكت طلعتي
علي والقران متندمه ....والله العظيم .....الله يخليك سامحني
ارررررريد اعرف شصار من طلعتي ....احجيلي ...وهذا الحيوان الخابرني منين تعرفي
مااعرفه والله ..وروح امي مااعرفه ....دنكت علي وكعدت بالكاع وخليت ايدي على رجله وهو كاعد عل قنفه رأسآ وخر ايدي ...علي وروح امي الي بعده مناشف ترابهه مااعرفه ...ولا شايفته قبل
....مجرد انسان ساعدني
باوعلي بس نظراته نظرات حقد
احجيلي اول مطلعتي من اول مفكرتي تهربين ...من جنت احاول وياج بالغرفه جنتي مقرره تنهزمين ....
صار مرتين زمزم ...مرتين تسويني غبي
لج ليش هيجي فهميني...تدرين انتي متحبيني ابد
زمزم/انت أذيتني والله ......مبقيت كلمه محجيتهه عليه ..وحتى سمعتك من تكول ال اسامه اني مريضه نفسيآ ..وسمعتك من تكله تريد تتزوج
كتلت اذا مصارلج علاج ....لتحورين الكلام ...وبعدين شفتيني تزوجت.....وحتى اذا تزوجت ...وحتى اذا حجيت وأذيتج مو من حقج تهربين وتنزلين راسي
وبعدين انتي بس تحجين ....بيوم من الايام من تزوجنه لليوم ...كلتيلي غلطت بحقك سامحني جذبت حتى مااخسرك
مكلتيهه تدرين ليش لان انتي متحبيني ..تحبين نفسج ومصلحتج وبس
وانت ..متكول هالكلمه بس اله من تريد تتقربلي كانما اني حيوانه بس تفرغ شهواتك بيه
باعي عقلج ..باعي تفكيرج ....يعني اني هيج مو زين ..ممسمعج كلام حلو ...عساهه بحضج وبختج لعد ...شكد جذابه
فديوم من الايام اجيت ولميتج مجهزه روحج ....فديوم انتي حاولتي تتقربين مني ...ليش بس اني اتقربلج ...ليش . اني هم عندي مشاعر
كم مره احاول اتقربلج وتبعديني ...تدرين من اجي من الدوام شتمنى والله اتمنى مو مجرد احجيهه ....اتمنى ادخل الكاج لابستلي ثوب نوم واول ماافتح الباب تشبكيني تعبريلي عن اشتياقج ..تحسسيني انتي مشتاقتلي
تدرين مافديوم اجيت ومتعاركنه باول جيتي
زمزم/انت تسمعني كلام يأذيني وتجي ضايج
.تدرين ليش ضايج ..مع العلم من قبل لا ادخل للبيت مو ضايج ومتلهف من اجي...بس من الكه
استقبالج الي بارد ...انقهر حيل لج كم مره كتلج تلوكيلي سويلي هيج وهيج ..طلبت باللساني مع العلم اكو هواي يتمنن اباوعلهن ويسولي كل الي اطلبهن منج بدون مااطلب منهن
أنت تقرأ
حكاية زمزم
ChickLitها يا مرايتي تحديتج بيوم من الايام وكتلج زمزم انثى وراح تلبس بدلة عرس هاي اني اليوم واكفه كبالج بالبدله اني زمزم معنى اسمي البئر المباركه بس معروف الزمزم ماء لا لون له ولا رائحة ولا طعم، فضلاً عن أن ماءه حلو نقي يخلو من أي ملوحة أو مرار، ولا يتغ...
