&&حكاية زمزم&&&
بقلم ام غايب
علي شبيك .....
بيه انتي زمزم ...تعبتيني وياج
وغمض عينه وذب ثكله عليه ايده حاوطت خصري ووجهه ضمه بركبتي(الرقبه)
علي يمعود اصحه شكد شارب انته...
تعبتيني ...تعبت..تيني
ريحته كولش مو طيبه جانت وذاب ثكله عليه احس ظهري راد ينكسر
كروعتي ....احبج
واني اكرهك علي .... وبجيت ..مليت من كلامك علي
اموت عليج ....وكام يبوس بيه بقيت واكفه ودموعي تصب وهو يبوس بركبتي
بده يحاول ينزعني ملابسي وهو ميكدر يسيطر على وكفته جان شارب هواي يتطوطح وممسيطر على وكفته
ساعه احبج وساعه يعيرني بالنقص الي اني بي
زمزم
سكتت واني اغمض بعيني واكفه مثل الصنم ابجي على حالي
زم...زم ...اكرع مكركع بال بالطاوه ..بعده ممكمل دفعته
حيل ...كااافي ....كااااافي ..افتهمت ...وطلعت من الغرفه عفته بالكاع يضحك وطلعت رحت للحمام ...واحجي ..كااافي ..كااافي زمزم ....انهي هاي السخافه مو بكيف احد ....
ضليت بالنص ساعه بالحمام ابجي....الف قرار قررت
اسوي طلعت لكيته بالكاع نايم
باوعت علي بحقد ....ورحت عل جربايه نمت مغطيته ظليت نايمه صفح وابجي
حسيت الغرفه بارده لان اجتي الوطني كمت نزلت غطه من فوك الكنتور وغطيته باوعت نايم بدون مخده هم انقهرت علي جبت مخده رفعت راسه فز
احبج زمزم
وجرني وحضني ...باس راسي وغمض عينه ....حيرني بتصرفاته ...حسيت نفسي محتاجه حضنه حتى اذا مواعي بس حبيت احساس قربنه سوه بسته على صدره وغمضت عيني بس دموع عيني بللت صدره
حجيت بصوت ناصي ..عليك الله حبني هيج علي
غفيت واني ابجي على صدره وهو مواعي
رغم ريحة الشرب بس بقيت بحضنه
كعدت من النوم فتحت عيني بعده نايم واني جسمي مكسر حيل .....كلت بكلبي حرامات طلع الصبح ...وكمت من يمه ريحتي احسه مطيبه عبالك اني الشاربه
دخلت للحمام جوه الدوش لزمت الشامبو وتذكرت كلمته من كلي انتي كرعه شكو تخلصين الشامبو
مثل الشريط ينعاد كل كلماته الي كمت ابجي واحجي ياربي والله تعبت ليش خليتني هيج شنو ذنبي اني والله احبك يا ربي ...والله احبك ..ساعدني
حسيت الباب يندك
علي/منووو هنا
اني
أنت تقرأ
حكاية زمزم
أدب نسائيها يا مرايتي تحديتج بيوم من الايام وكتلج زمزم انثى وراح تلبس بدلة عرس هاي اني اليوم واكفه كبالج بالبدله اني زمزم معنى اسمي البئر المباركه بس معروف الزمزم ماء لا لون له ولا رائحة ولا طعم، فضلاً عن أن ماءه حلو نقي يخلو من أي ملوحة أو مرار، ولا يتغ...
