$$$$حكاية زمزم&&&&&&&
بقلم ام غايب
جرت الكبوس مني بحركه ملحكت حتى الزم ايدهه
كبل شهكت وخلت ايدهه على حلكهه
عزززه هاي شنووووووو
جريت الكبوس منهه وتمنيت الكاع تبلعني بهاي اللحظه دموعي كامن يصبن لبست كلاوي و
ونكت راسي مااكدر اباوع بوجهه
زمزم
اي اني كرعه ....بهاللحظه اندكت الباب ..
ميثم /عمه نسيت دفتري فتحي الباب
كبل شالت الدفتر شمس وانطتهيا واجت كعدت بصفي مكدرت اباوع بعيونهه ابد جنت خاله ايديناتي على عيوني وابجي بدون حس حسيت عليهه شبكتني
زمزم .....اووف ..اسفه والله ماادري
واني ايدي على عيوني ...على شنو تتأسفين شمس هاي حقيقتي
دفعت ايدي من وجهي..وخريهن زمزم ليش خجلانه
وليش وضعي ميخجل
....زمزم اني اسفه والله خليتج بهذا الوضع
رفضت اباوع عليهه مااعرف شلون راح تمشي حياتي بعد معرفت ...ابد متحسست من عرف علي لان شخص يعنيلي هواي رغم مااذاني بس مااخجل منه هذا الخجل
زمزم اسفه والله ...باوعيلي لتبجين ..وكامت تبجي وياي وحاضنتني
الله يخليج طلعي ...احجي وابجي واني مدنكه
طلعي حبابه ...
مااتحمل اشوف نظرات الشفقه بعيونهه مااتحمل هاي النظرات ..حتى ميهمني اذا تكول او لا كل الي ردته بذاك الوقت تطلع من يمي
اصعب شعور انو تخجل من شي مالك ذنب بي
زمزم ....اووف مااعرف شكولج والله
باستني من راسي وطلعت ....اول منطبك الباب رفعت راسي ليفوك وبدموع تارسه وجهي
ليش يا الله ..ليش ....ااااااااااااااخ بصوت مخنوك وحسره ووجع كلب
تعبت من حياتي..تعبت من النقص والله ..والله تعبت يا الله ..اخذه العمري وريحني تعبت واني مختلفه عن كل البشر
ظليت فتره طويله ابجي احس راسي يريد ينفجر من الوجع ..باوعت عل ساعه ب ٣ بليل لزمت موبايلي
حسيت روحي محتاجه اسمع صوته ..محتاجه حبه ومغازلته الي صار هواي مسامعه صوته مسحت دمعتي الي موكفت ابد
اتصلت ....رن ...رن ...رن .وماكو
رحت نمت عل جربايه وخليت ايدي على راسي شكد جنت مختنكه ......اخر شي غفيت مااعرف حتى شوكت
كعدت على دكة الموبايل
الو
زمزم انتي متصله عليه ب٣ هستوني كعدت من النوم خوما اكو شي
أنت تقرأ
حكاية زمزم
ChickLitها يا مرايتي تحديتج بيوم من الايام وكتلج زمزم انثى وراح تلبس بدلة عرس هاي اني اليوم واكفه كبالج بالبدله اني زمزم معنى اسمي البئر المباركه بس معروف الزمزم ماء لا لون له ولا رائحة ولا طعم، فضلاً عن أن ماءه حلو نقي يخلو من أي ملوحة أو مرار، ولا يتغ...
