حكاية زمزم

33

&&&&حكاية زمزم &&&

.....بقلم ام غايب ......

يمه تدللين شعندي غيرج ..والله توني يالله ارتاحيت من شفتج بخير

حبيبتي انتي .....بعدهي دتحجي وياي ...سمعت علي دخل عليهم .....

وكبل اخذ الموبايل من ايد بيبي ...كمت اباوع ماادري شسوي ...وهو هم باوعلي ......احس كلبي دكاته صارت سريعه حيل وايدي كامت ترجف

سكتت ...وهو سكت ..جنت لابسه كلاو لونه اسود اشتريته جديد لان ذنيج بقن هناك وجنت خاله مسكاره بارزه لون عيوني من اطلع بس مسكاره اخلي حتى شويه خلقتي تتغير علمود الشغل خاف تحجي ام امير ....وجان وجهي سمنان شويه

هستوني ردت اكله شلونك ..بس بعدني مناطقتهه بس بداخلي قررت اكوله جان يسد الاتصال

احس البوخه طلعت من عيوني ....عضيت شفتي ضجت حيل واضرب روحي على كصتي ...غبيه ..غبيه ومتصيرلج جاره ..ماعندج كرامه ..صفنت بس لا يكولوله على الشغل ....

اكيد انطه الشمس الموبايل هسه ..دزيت رساله ال شمس ...شموسه ديري بالج تجيبين سيرة الشغل يمه ...ووصي بيبي حبابه ومااتوقع امه تكله لان متريده يعرف عني شي

دزتلي اوكي

ضجت حيل من تصرفه ومن نفسي الي تحن ال علي وهو اصلا مطايقني واصلا مو بس هيج متزوج فوكاهه

طلعت من الاستقبال ...نزلو عدنان ورقيه كاشخين ..رقيه ممكيجه مكياج قوي ..بس لابسه اسود ...حزت بكلبي حيدر مصارله هوايه

عدنان/اهلا ابن العم الحلو اليوم مشفناك ...يصيحلي هيج لان كرعه يكول ولد بس حلوه

زمزم/ههههه اهلا ابو ثرب بلله مكلتلنه بيا شهر انته هسه

رقيه/امشي كرعه ..ابو كرش ارحم من الكرعه هههههه

بلاسم/عدنان ميت مره كتلك لتتشاقه هذا الشقه ..وانتي هم زمزم شنو اطفال وهيج تتشاقون
ووين رايحين انتو

طالعين

اي ادري طالعين ..وين رايحين ..متاخذون زمزم وياكم شويه تغير جو

رقيه/تجين ويانه زمزم ..اذا تحبين تعالي

زمزم/لا حبيبتي طلعو ظالي خلك اصلا تعبانه اني

بلاسم/روحي تونسي وياهم

لا عمه والله مااريد واصلا اريد اخابر طيبه قبل ليتأخر الوقت

عدنان/بكيفج انتي الخسرانه

رجعت للاستقبال ....هستوني كاعد اتصل على طيبه جان يتصل علي...اني حافظه رقمه ...ومسجلته علي

مجاوبته .....

رجع اتصل مره ثانيه ...وهم مجاوبته

ليش سده للاتصال بوجهي وليش هسه يخابر...وراهه اجتي رساله منه ......جاوووووبي وياهه فشار