حكاية زمزم

تكمله

وهاي التكمله ...تره تكمله مو تكولون قصيره بس البارحه مكدرت اكملهه لان جانو خطار عدنه ووعدتكم انزل ومكدرت ماانزل وانتو منتظرين

اما بخصوص كلتلكم الصبح ..شبيكم تره الصبح برمضان يختلف تن الصبح بالايام العاديه يعني ب٣ ب٤ الصبح 😁

علي/زمزم حبيبتي كافي اريدج تصيرين قويه

زمزم/شلون اصير قويه وامي ماكو ...مدااكدر علي روحي مختنكه والله ..احس النفس ماكو ...راح السند الوحيد الباقيلي

علي/واني وين رحت .....لتخافين حبيبتي مادام اني موجود ...اريدج تصيرين قويه

علي لتعوفني ابد الله عليك .

زمزم حبيبتي ...اني اعوف روحي ومااعوفج والله

...ولزم ايدي ...زمزم انتي وخواتج من مسؤليتي هسه لتخافين واطمئني

شكد كلامه ريحني ...جنت خايفه حيل وكلامه ريحلي كلبي ..شكد ضكرت ربي على وجوده بحياتي وكلت اووف يا زمزم شكد متعافيه علي وهو الي ريح كلبج هسه

علي/حبيبتي الباجر من الصبح رايح للدوام اني

راح تروح للدوام

اي ...لازم ...من سفرة الشمال واني مرايح بعد مااكدر ..وهسه اصلا راح الكه كومة شغل ورايه ...يعني حتى اتأخر بنزولي

ماشي حبيبي...بس شنو الخوف تملكني ..انوب حيدر ويايه همه وحدي واهله كوه طايقيني

وصلت للبيت ..الي بكل دخله اله كلبي يختنك ...خاف هو ممخنوك ......جانت انهار بالمطبخ ...طبعآ انهار الوحيده الي مأجتي للفاتحه والباقي بيبي اجتي اول يوم وعمه يوميه هيه وشمس وام شمس ....

انهار/البقيه بحياتج

زمزم/وحياتج الباقيه ......وعيون انهار تركزت على حيدر

انهار/شعجب جبتي اخوج

هو ختل ورايه ...انوب اجه عبودي ركض علي ...وراح ويا

راح يبقه يمي ....فتحت عينهه انهار

انهار/،يبقه يمج ..يعني بيتنه

عفتهه ورحت على غرفة بيبي ..الغرفه الوحيده الي من ادخلهه ينشرح كلبي ...جانت كاعده على جربايتهه تعدل بفوطتهه

الحجيه/يمه زمزم حبيبتي

كبل دموعي صبن ورحت شبكتهه .....بيبي ماتت امي ...ماتت وعافتني

كامت تمسح على راسي وصوتهه بين علي كامت تبجي ...

اويلي يا زمزومه ..والله شايله همج انتي وخياتج الله يصبرجن حبيباتي والله بكل صلاة اكله ربي قويلي هالزمزم وصبرهه هيه وخواتهه ...

بيبي تعبانه والله

يمه طبعآ جااا غير اميمتجن راحت الله يساعدجن