مساء الخير احبتي ....كم واحد جوعان وعطشان اليوم ..
&&&&&حكاية زمزم &&&&&&
..........بقلم ام غايب................
ضحكنه كلنه بوست خالتهه لام شمس وكعدت سولفتلهم عني كولشي...وشرحتلهم ام شمس انو اني لازم ابقه هنا
ام شمس/يلله اني اروح تأخرت عل دوام
فرح/واني هم اكوم اغير ملابسي يادوب اوصل على ازدحامات بغداد
بهاللحظه اندك الجرس مال باب ....احس كلبي وكف ..وكفت بخوف بسرعه
فرح/لتخافين هاي ام مازن مره جبيره تبقه يم امي بين ماارجع
كامت ام شمس بوستنه وطلعت وفتحت الباب بنفس الوقت لام مازن ...وفرح دخلت تبدل
ام مازن /اليوم اكو خطار ...منو هاي الحلوه ....هاي شموسه مو بت ام شمس
الحجيه/لا ..لا بس هيه هم من طرف ام شمس
هلو حبيبتي نورتينا شسمج
اسمي زمزم
الله شنو هذا الاسم الحلو
الحجيه/اسمهه مثلهه ينطبق عليهه
وهذا الحلو اخوج
اي ..حيدر
فجأه ام مازن بجت ...من باوعت على حيدر
زمزم/شبيج خاله
ام مازن/عذريني ييمه من شفته متحملت تذكرت حفيدي وابو ...كسرو ظهري والله
ليش وين همه
ماتو ...جانو صاعدين عبريه وتفجرت السياره بيهم ...
ياااااا خطيه الله يساعدج والله
ام مازن/هاي حكم رب العالمين ...وانتي ليش لابسه اسود
امي ....انطتج عمرهه
يا يمه ....الله يعينج ..كلشي يهون بس الام متهون ...الام وطن وخيمه تلمنه ....اخخخ فتحتي عليه اوجاعي اليوم ...اتذكر امي من ماتت ابويه قبل لتطلع السنه حتى تزوج ..وجابلنه مرة اب ...لعبت بينه لعب .
لو الاب يموت ولا الام.....الام تلم بس الاب يطفر
الحجيه/يمه الاب والام واحد يكمل الثاني ....بدون الاثنين تضيعون ..
فرح/حيدوري تريد اجيبلك شي وياي
خجل حيدر ..وضم راسه وره ظهري
زمزم/اباوع عليهه شىون حلوه ..هيه جانت حلوه بس باىمكياج واللبس وفتحت الشعر ..طلعت ايه مال جمال ...كبل دكيت خشب..خفت خاف احسدهه للمره
باوعت عليه من دكيت والكل توجه نظره عليه
زمزم/خجلت من تصرفي هسه شكول ...ابتسمت ...مبين اصلي هذا الخشب مموجود منه وغريب ....انوب جني لصتهه خجلت بعد اكثر
أنت تقرأ
حكاية زمزم
Chick-Litها يا مرايتي تحديتج بيوم من الايام وكتلج زمزم انثى وراح تلبس بدلة عرس هاي اني اليوم واكفه كبالج بالبدله اني زمزم معنى اسمي البئر المباركه بس معروف الزمزم ماء لا لون له ولا رائحة ولا طعم، فضلاً عن أن ماءه حلو نقي يخلو من أي ملوحة أو مرار، ولا يتغ...
