&&&حكاية زمزم &&&
.....بقلم ام غايب ....
شبي صوتج شموسه
والله ضايجه حيل متتخيلين شصار ...لهسه جسمي يرجف ..ماادري شلون حتى احجيهه
شنو يمعوده قلقتيني...شمس
ميثم ...متحارش بعبودي
فتحت عيني .....كبل رجعت ذاكرتي الذاك اليوم الي حاول يعتدي على حيدر ...لا اراديآ ابتسمت ...وردت ابجي من الفرحه
هنا اكتشفت الجزء الظالم ...الموجود ب زمزم ....مفكرت ب عبودي ونفسيته الي تدمرت وخاصه انو اخو الي اعتده عليه
دك الطبل بدلبي وجانت المعزوفه تعزف برجعت حق حيدوري نظر عيني الي انظلم بالدنيا
هيهات من الحقد ....الي يسكن الكلب ...يكوم ميفكر بالحق والباطل ....بمذنب او غير مذنب
بقت شمس تحجيلي عن الي صار واني اصارع داخلي ...الي يتشمت لا ارادي ....وضميري الي يحاسبني
شمس/زمزم شكد لعبت روحي من ميثم شلون سوه هيج ماادري ....وبيبي حجت عليهم ...كلتلهم من حجت زمزم وكالت اعتده على حيدر الله يرحمه محد التفت الهه ...هاي حق اليتيم رجع وتصيح عليهم .وانهار هجمت على بيبي وكامت تعيط عليهه
زمزم شو ساكته ولج....عايفتني احجي وحدي
طبهم مرض شمس ....ميت مره كتلج لتحجيلي عنهم ...الي يخصني بهاي العائله شخص واحد ...والي هيه بيبي ...
يعني مضجتي على عبودي زمزم
لتحسسيني بتأنيب الضمير ..واني مكاعد احس بداخلي ... كقهوره .مو بيدي شمس ...اتمنى ماافرح الهذا.. الشي بس فرحت مااعرف ليش من وراج شكو تحجيلي انتي
اصعب شعور تحس بتأنيب الضمير لان تتشمت وتفرح بداخلك الخبر تدمير حياة طفل ....والمشكله متكدر تجذب على روحك ...ولا على رب العالمين لان داخلك فرحان وخارجك يحاول ينقهر وميكدر ينقهر
بدت امتحاناتي لان بوقت موعد الامتحانات صادف واني عليه العده ....أجلتهن بوقتهه.....بسبب العده .....
حياتي هادئه...وطبيعيه ....حالي حال اي بنيه ..بس مشاعري وداخلي يفكر ب علي ...كل يوم اطلع بي .....ادعي تصير صدفه والتقي بي ...
اما سيف ......اي انسانه تضعف ...الحبه والرومانسيته ..والحاحه بس داخلي ممصدكه ابد ....ولا كدرت اصدك انو زوجته خاينته ....يمكن صحيح ....
بقه يلح بالتصالات مرات مااجاوبه بس يلح واخر شي اتصل بيه قبل يوم
زمزومة كلبي ..شخبارج
زينه سيف
شوكت هالكلب يحن علينه مو خلصت طاقته
سيف
أنت تقرأ
حكاية زمزم
ChickLitها يا مرايتي تحديتج بيوم من الايام وكتلج زمزم انثى وراح تلبس بدلة عرس هاي اني اليوم واكفه كبالج بالبدله اني زمزم معنى اسمي البئر المباركه بس معروف الزمزم ماء لا لون له ولا رائحة ولا طعم، فضلاً عن أن ماءه حلو نقي يخلو من أي ملوحة أو مرار، ولا يتغ...
