حكاية زمزم

تكملة

&&&حكاية زمزم&&&
بقلم ام غايب

اني سكتت وكمت بس ابجي ..صرت انسانه ضعيفه حيل  مثل المحكوم بالاعدام وماخذي ينفذون علي الحكم رجليني  متحملني  وترجف

جرتني الغرفة بيبي الي الكل كاعد بيهه عمه وام انمار وحوراء ورسل

الحجيه/ولج يمعزايه عوفي البنيه ليش هيج لازمتهه

ام علي/انهار شكو شسوت زمزم

عمه عيني جنتج كرعه ومجذبه على ابنج ومورطته ومتدبس بيهه

دفعت ايدهه مدري منين اجتني القوه ..وخري حقيره لتلزميني هيج ..اباوع الكل مصدوم وساكت

الحجيه/نهارو ملكيتي شي طلعتيلج دعايه عل بنيه

باوعت ام علي تقدمت عليه رادت تجرحجابي ..دفعتهه ..اي اني كرعه بس مااقبل تمدين ايدح على راسي

جان تجره من وره انهار ..

رسل/عزززه معقوله

حوراء/لا لا مستحيل

ام انمار/والله العظيم حسيت وراج شي غريب شكتلج سندس مو كتلج ممرتاحتلهه

كلهم مهموني باوعت بس على بيبي الي مبين عليهه الصدمه محجت ولا كلمه بس تباوعلي

شمس تبجي عليه

عبودي/عمتو انتي مثل اصلع الكلب

وراهه دخل ميثم هم انصدم بس شهك

جنت اباوع على ردود افعالهم واحد واحد ودموعي تصب

محسيت غير ام علي لزمتني من ملابسي ... وتعت بيهن ولج كح....تضحكين على ابني ...وين موبايلي جيبو خل اخابر امهه الجذابه الثانيه الله ينتقم منج انتي وامج  امهات سحوره

واني اكول ابني متغير ..يمه سوده عليه وين جانت مضمومتلك هاي القسمه

بنفس اللحظه احس روحي دخت حيل والدنيا تفتر بيه ...موقفي صعب جدآ شكد مااحجي ميطلع المشاعر الي حسيتهه بوقتهه وسكوتي جان ماله اي مبرر بحق نفسي ...كرهت ضعفي الي مسيطر عليه

حسيت الدنيا افترت بيه ....يوم بعد يوم اكتشف همه شكد وحوش ...بهيئه بشر ...داخلهم اسود حيل وظهر

مكمت اسمع اي كلمه منهم غير بس اذاني الي تصفر
واحس بالبوخه الي تطلع منهه . ...وشفايفهم تنطق ابشع الكلام بحقي

والسواد الي بكلبهم تملك عيوني كمت لا اسمع ولا ارى ولا اتكلم وكعت وراهه حسيت بأيد ماليتهه التجاعيد تمسح بوجهي وصوتهه ينطق بايات قرآنيه جانت مهدئه الي

فتحت عيني ..لكيتهه بيبي
يمه اسم الله حبيبتي يمه زمزومه صحيتي يابعد روحي

شهكت وكمت ابجي

ام علي /حضرتج مسويه روحج مظلومه

انهار/خاله مو متكدر تدافع عن نفسهه شبيج فتسوي هاي الافلام