حكاية زمزم
بقلمي ام غايب
باستمرار أريد أن أبدأ، حتى نهايتى أريدها بداية،
اباوع على نفسي بالمرايه واتأمل ملامح شكلي الجذابه ...الي كل بنيه تتمنى تكون عدهه هيج ملامح عيون واسعه تجملهه كثافة الرموش بلون عيون جوزي مائل عل صفار بلمعه قويه بأنف صغير بشفاه ممتلئه ببشره بيضاء بوجه مدور ....كل هذه المواصفات مافائدتها اذا ماعندي.................
ولج يمه والله تخبلين طالعه عوفي المرايه راح يجون هسه ....والله راح تورطين روحج ورطه الولد ضابط متخافين
ماما فدوه مو صارلي اسبوع احجي وياج ...صح علي ضابط بس كلبه طيب حيل راح يطلكني اعرف ويجوز يتقبلني بس ميسويلي شي
وشلج بهالسالفه يمه ...اووف يا زمزم متردين ولج راح تلعبين بنفسج جوله لو ابوج واخوج عايشين متسوين هذا الشي ابد ..اخخ منج اخ تستغلين عاطفتي وياج وتدمرين روحج
يمه الله يخليج والله احب علي حيل واتمنا اللبس بدله حالي حال البنات واكون عروسه للشخص الي احبه اذا مسويت هذا الشي راح اظل اتحسر العمر كله
ومن يكشفج البدله البيضه تصير سوده عليج اااخ يا خيري وين رحت وعفتني ويه بناتك الي مينردن
يمه الله يخليج كافي ....كل شويه احجيلج فهميني ..يعني مره وحده اوكفي ويايه
شوكف وياج ..بشنو بمصيبه توكع على راسي وراسج منو كلج يسكت من يعرف الحقيقه وشلون ردة فعله
والله علمود الخاتونه تلبس بدله امشي خل اجرلج بدله ولبسيهه وخلصيني
يمه متفهميني ابد
شفهمج ..شفهمج لج حتى العقل ميستوعب خبالج هسه اني اخابر الولد واكله على حالتج لو اكله ماعندي بنيه للزواج اذا متردين يعرف سالفتج
والله العظيم اذا تكليله بروح ابويه احرك روحي هسه
طيبه/يمه عوفيهه خل تسوي الي تريده هيه الراح تتأذه مو احد غيرهه
ااخ يا كلبي منين الكاهه من عمامهم الي طلعونه من البيت ومهمهم عرض لو من بناتي الي مالهن رداد لو من اخواني الي بالجذب محد كلي تعالي أجري بيت وكعدي يمنه بجناحنه
طيبه/لازم تجمعين اني شعليه هسه
امشي سكتي انتي هم مفرفحه كلبي بالدراسه وشالعه كلبي اكلج قري اخوج حيدر تتعاجزين ساعة السوده على روسكم ان شاء الله ....ربي متاخذ عمري وتخلصني وتريحني من هذا
الضيم
زمزم /يمه فدووه اروحلج كافي راح يوصلون هسه
نوريه/الام/كون ربي متصير هالقسمه الي تشلع الكلب ونهايتهه سوده ومصخمه ...انوب ضابط لا هيج ولا هيج
اندكت الباب وحسيت نفسي ارتبكت حيل وايدي وجسمي كله كام يرجف .....
رقيه /والله حلوه طلعتي
أنت تقرأ
حكاية زمزم
Chick-Litها يا مرايتي تحديتج بيوم من الايام وكتلج زمزم انثى وراح تلبس بدلة عرس هاي اني اليوم واكفه كبالج بالبدله اني زمزم معنى اسمي البئر المباركه بس معروف الزمزم ماء لا لون له ولا رائحة ولا طعم، فضلاً عن أن ماءه حلو نقي يخلو من أي ملوحة أو مرار، ولا يتغ...
