صباح.🥀🌹🌷💐🌸لعيونكم. هسه سهرت وكتبتلكم جزء من البارت صح قصير بس حبيت آلبي طلبكم وان شاء الله تكملة. البارت على موعدنا الساعة 10:00م
حكاية زمزم 🎶🎶🎶❤️
بقلمي أم غايب
ملكيت روحي غير الزم موبايلي..واتصل ...اكو كلام بداخلي راح يموتني لازم احجي...ماارتاح
كطعت الاتصال قبل ليرن حسّيت روحي بوخت واحتاريت اريد احجي أغلط عليهم اريد ارتاح واطلع هالحسره وبنفس الوقت اكبر راْسه وأكله انتصرت اذا اتصلت
استعوذت من الشيطان وكمت صليت وقريت قرآن ورجعت لجربايتي
توني غفيت حسّيت كلبي نغزني نغزه قويه وصدري متشنج الم مااعرف اوصفه على أيدي على بوخه تطلع من وجهي
عمه...عمه بلاسم .....كوه اصيح عليهه وهيه هم كوه حست عليه
بلاسم/يمه اسم الله حبيبتي ...شبيج فتحت الكلوب وتوجهت عليه وكأمت تُمسح بوجهيً
يمه اسم الله حبيبتي شبيج ...شتحسين
عمه مختنكه احس روحي راح تطلع
ركضت عمه على عدنان ورقيه واخذوني للمستشفى ....كالو بيه ذبحه صدريه خفيفه
بقيت بالمستشفى ب١٢ طلعت ....أخذتني عمه دكتور اختصاص العصر ....والوقت كله تحجي عليه
اي موتي روحج ....موتي علمود ناس متسوه شنو متكدين تعيشين بدون رجال ....
عمه انتي متفهميني
لا افهمج انتي وحده نكديه
اول مره عمه هيج تحجي وياي صدمتني
لتباوعيلي هيج ...اي أني كاعد احجي وياج زهكتيني شكال علي ....شكالت انهار ...انتي متملين ...طبهم مرضين مو مرض خل يتهنون شلون تدفنين روحج كافي ماما كافي ...التفتي الروحج .....الدراستج.
شو سكتي
شجاوبج عمه
وعمه العماج ......كولي هذا هو راح التفت النفسي وحياتي وبس واشيل من قاموس حياتي علي
رقيه/عمه لتعبين روحج البزونه تحب خناكهه
زمزم/انتي انجبي
بلاسم/ليش تنجب جذب
عمه شبيج اليوم وياي
إجت كعدت يمي عَل جربايه
ولج يمه حبيبتي اليوم ردتي تموتين....والله لطف بينه .......من وره صخمان ...أني ورقيه نحجي علمودج ...هسه لو يستاهل منحجي بس واحد اذاج وذلج
عمه ادري بيكم بس انتو عبالكم أني فرحانه من افكر بيهم.....همه ميهموني بس استغبائهم الي هو الي مدمرني
عمه يعني هذا الي مخبلني
ميخالف روح عمتج طبهم مرض اعتبريهم درس تتعلمين منه عن البشر ... وحقارته ونذالته الي وين توصل واستفاديتي منه ...هسه صرتي خبره ومحد يضحك عليج
أنت تقرأ
حكاية زمزم
ChickLitها يا مرايتي تحديتج بيوم من الايام وكتلج زمزم انثى وراح تلبس بدلة عرس هاي اني اليوم واكفه كبالج بالبدله اني زمزم معنى اسمي البئر المباركه بس معروف الزمزم ماء لا لون له ولا رائحة ولا طعم، فضلاً عن أن ماءه حلو نقي يخلو من أي ملوحة أو مرار، ولا يتغ...
