فتحت عيني ..لكيت روحي بغرفة النوم ..غرفتي اني وعلي ...كمت مخروعه باوعت على نفسي بتراكسودي نفسه الي مشكك من الضرب ...دنكت باوعت على جسمي مديت ايدي مزوركه ومجرحه ..تذكرت اخر شي السجينه بركبتي حسيت بحرارتهه من دخلت جلدي ..تلمست ملفوفه ..رحت كبال المرايه عيوني منتفخه ودم تارس وجهي وركبتي
اني ميته وروحي دتمشي يمكن .....حاولت افتح الباب مقفول ...كمت اصرخ ..اني ميته لو عايشه ...جاوبوني ...
انفتح الباب ...شمس ....شبكتني وتبجي وتحجي ...لا مميته حبيبتي ..الحمدلله عدت
شلون عدت ...اني حسيت بالسجينه بركبتي
هزت راسهه ..لا لا الحمدلله علي مخلاهم ..ضرب خالج طلقه ..وعافج
يعني اني عايشه. يعني مذبحوني وكمت ابجي شمس كرصيني ضربيني خاف إني ميته مو يكولون إلي يموت روحه تمشي والله حسيت بحرارةالسجينه بركبتي.
لزمت ركبتي رجعت تحسستهه ملفوفه شبكتي شمس وكمت ابجي بحضنهه
بعد مااستوعبت انو إني عايشه
شمس حيدر وين
اخذو اهلج
حسبي الله عليهم الله ينتقم منهم ولج شمس جانت عيونه عليه سوده عليه
سويت بي إني. والله مو قصدي
والله محروك كلبي عليهم. والله مو قصدي اأذي
كافي حبيبتي تحملين روحج مسؤوليه بلعكس انتي جازفتي بروحج علمود اخوتج
يعني حيدر مراح يكرهني
ميكرهج ...والله ....زمزم اني راح اروح وعقلي راح يبقه يمج ....بس مااكدر ابقه ...اليوم جان مفروض من الصبح اروح بس علي منعني كال ماكو طلعه اذا ماامج ترجع زمزم
وسامحي امي ..ممتقصده تعوفج
ادري بيهه والله ..ادري هيه رادت تساعدني
زمزم اكسبي علي ..والله يحبج ..لو شايفه اليوم الصبح شسوه ....من دره انتي انهزمتي ..تعارك وياهم كلهم وانبهم
اني مطلعت بسببهم ...طلعت بسببه ...أذاني بكلامه حيل ....واذاني بوعوده الي يخلف بيهن ...جنت مستعده اعيش خدامه جوه رجليه بس يجمعني بخواتي ....والله مااريد اي شي ..بس خواتي ..واخويه ...
زمزم انتي شمدريج ممرتاحين هناك ..عوفي هاي السوالف
كلبي يكلي ممرتاحين ...والله ممرتاحين شمس
ها زمزم ...هم رجعتي ..ولج انتي بمعجزه اليوم عشتي . . كافي عوفي خواتج عايشات مابيهن شي ...عيشي انتي
هذا هوه سكتت ..وكعدت ..توبه اذا اطلع والله ...بس راح ادعي الله يجمعني بخواتي ويحنن كلب علي عليهم
عوفي الموضوع زمزم والله علي يحبج
اي حب هذا يمعوده ..علي لو يحبني مجان خابر خوالي وعمي
أنت تقرأ
حكاية زمزم
ChickLitها يا مرايتي تحديتج بيوم من الايام وكتلج زمزم انثى وراح تلبس بدلة عرس هاي اني اليوم واكفه كبالج بالبدله اني زمزم معنى اسمي البئر المباركه بس معروف الزمزم ماء لا لون له ولا رائحة ولا طعم، فضلاً عن أن ماءه حلو نقي يخلو من أي ملوحة أو مرار، ولا يتغ...
