It doesn't Matter

Chapter Thirteen

CHAPTER THIRTEEN

Casanova's Dilemma

NAPATANGA si Miriam sa nasaksihang eksena. Oo nga’t umaasa siyang hindi seseryosohin ni Chester ang binigay niyang mga kundisyones dito upang mapalapit sa kanya, subalit hindi naman niya inaasahang harapang ipamumukha nito sa kaniyang isa lang siyang libangan para rito. Siguro nga’y natsa-challenge lang ito kaya nagpupursigeng makuha ang atensyon niya.

                Nag-text sa kaniya ang kaibigan at pinsan ng binatang si Kyshee. Sinabing sinundan nga raw siya ni Chester sa ladies room dahil nag-aalalang maligaw na naman siya. Natawa siya dahil pinagmumukha siya nitong isang toddler. Nevertheless, she found it cute and endearing that she hurriedly finished retouching her light day make-up.

                Upang magulat lamang pala. Padaan siya sa hallway nang may naulinangang nag-uusap. Agad niyang nabosesan si Chester kaya naman sinundan niya ang tinig. Tila may batong dumagan sa dibdib niya. Ayun ang magaling na lalaki at ekspertong nakikipag-halikan sa hindi niya kilalang babae. Nag-init ang magkabila niyang pisnge sa inis. Pinagmukha siya nitong tanga. Expected niyang behave itong nag-hihintay sa paglabas niya ng ladies room, pero ano ang nadatnan niya? Nakaka-bastos ‘yun para sa kaniyang pagkatao. Isang malaking insulto sa kaniyang ego.

                Nagmamadaling nilisan niya ang lugar na iyon bago pa man siya makagawa ng labag sa kagandahang asal.

                She’s just disappointed. ‘Yun ang paulit-ulit niyang dikta sa isip habang pabalik sa grupo nila Kyshee. ‘Argh! How I hate playboys!’

                “Are you alright?” nag-aalalang tanong ni Angel ng mamataan siya.

                “Yeah,” matipid na aniya. Hinuha niya’y mukha siyang papatay kaya ganoon kaagad ang bungad nito sa kaniya hustong makalapit siya sa tapat nito. “Si Kyshee?” luminga-linga siya, wala roon ang kaibigan.

                “Sinundan kayo, maninilip daw siya ng scandal niyo ni Cj. Hindi mo ba nakita? Si Cj nga pala, bakit di mo kasama?” sabad ni Aj na prenteng nakaupo sa bench habang naka-akbay sa girlfriend na si Jenny.

                Napailing siya. Scandal nila ni Chester? Definitely, hindi siya ang kaulayaw nito sa scandal na iyon. But where is her friend? Alin sa dalawa, hindi niya ito nakita o hindi niya lang napansin dala ng pagpupuyos ng damdamin niya.

                “Oh, heto na pala sila, eh!” si Jenny.

                Nagmamartsa nga palapit sa kanila ang mag-pinsan. Halatang galit si Kyshee dahil salubong ang naturally shaped eyebrows nito. Kunot na kunot pa ang noo. Samantalang tila isang nasukol na bata si Chester habang nakabuntot sa pinsang babae.

                “I am so disappointed, Cj!” naulinangan pa niyang ani Kyshee, umiiling-iling.

                “Ate naman!” angal kaagad nito. Tumingin ito sa kanya, tila nagpapasaklolo. Isang matalim na irap ang isinukli niya roon.

                “May ginawa yata tayong di kagandahan, pare.” Komento ni Mike na napansin ang ginawa niya.

                “Ewan ko riyan sa dalawang ‘yan,” tila batang maktol ni Chester.

                Aba, denial king!

                “I’m so disappointed!” gagad niya sa sinabi ni Kyshee, may halong sarkasmo ang tinig.