بين الأمس والغد(قيد التعديل)

بارت 5

#بين الأمس والغد
#سارة ماجد

باوعت واكف كدامي رأسا انتبهت على قميصه شفته مبدله لابس غير قميص يعني مشتري واحد جديد هاي شوكت اشتراه منتبهت عليه من شفته قبل شويه

اباوع الاساتذه يمشون ويسلمون عليه شلونك ضابطنه
واكو قسم يكلوله سيدي يحترموو كلش
يعني عنده كاريزما حييييل قوويه احسه من يمشي
الكل يخاف منه ويحسبله احساب يعني فارض شخصيته وبنفس الوقت احترامه عالكل

شفته مشه هو واصدقائه جانو 4 اشخاص واكفين هم ينطوله شبه تقريبا نفس الطول والاطباع مادري هم ضباط مثله لو لا
زين وين هاي الجانت واكفه يمه اشو ماكو

ها ولج شدتسويين
انداريت لكيت سرى وحلا ورايه : عابتلكم خرعتوني ليش هيج جنكم حراميات

رجعت اباوع كدامي انتبهت  دك موبايله  شاله اشو تعصب وهو ديحجي صار احمر
حلا : يمه فدوةة للعصبي باعي شلون انكلب احمر هذا اعصابه نار مبين ميتحمل الله يساعد اهله عليه

سرى: لج شهد انتبهتي مبدل ملابسه يمكن مشتري جديد

شهد: اي انتبهت عليه شدعوة عليه جان يمسحه بكلينس مبلل ويروح شهالفياخه اللي عنده علمود شوية طكعه صار بيهه راح اشتره جديد

باوعت عليه هو سد التلفون وعيونه براسه مادري شبي هلكد متعصب رفع راسه واجتي عيونه بعيوني يمممه اشو هذا كام يخنزر بالزايد شببيي هسه اني شعلية هيج يباوعلي خل انهزم منا احسلي

_ امشو بنات خلي نروح منا شمس تضرب بالراس

رجعنه للقاعه جانت عدنه ندوة اجتي دكتوره جديده حجت ويانه وتعلمنه شلون اذا صرنه مدرسات او شنو نسوي اذا طبقنه
كلامهه كلش حلوو استفاديت من عنده
بعدين سألت كالت اذا ردنه ندخل فكرة الموضوع بدماغ الطالب شلوون ؟؟

جاوبتهه اني: ست ندخلهه بالربط يعني لازم نكون فد قصه او موقف ونربطهه بالموضوع حتى بعد مينساهه

_ احسنتي ، كلش زين

ضلت ساعه كامله وهي تحجي بالندوة انطتنه ملاحضات وملازم خاصه يعني من عدهه توزيع

بعدها خلصنه البنات كالو خل نطلع نروح للمجمعات اكو ملابس تجنن جايبين
طبعا هاي فكره سما وآلاء هن اللي اقترحوهن يموتن ع الفرفره

اني مردت اروح لان فلوس مشايله على شنو اروح بس اتفرج

گتلهم: بنات اني ما اروح مالي خلك

الاء : لا حبابه دتعاي ويانه عالواهس غيري جو مو هاي البنات كلهن ديطلعن ويتونسن بس احنه طامات نفسنه لا نفتر ولا شي

حلا وسرى هم أيدوهه ولحو علية اروح وياهم
استسلمت الهم وطلعنه
رحنه افترينه على المحلات هن قريبات حيل عالكلية مالتنه يعني تقريبا نمشي 7 دقايق ونوصل الهه