بين الأمس والغد(قيد التعديل)

بارت6

#بين الأمس والغد
#سارة ماجد

_ وليش دتبجين مسحي دموعج وكافي تشهگين مثل الجاهل
طلع من جيبه محفضه وفتحهه اشوف الفلوس كلهن اورااق وخمسه وعشرينات هواي ماشاء الله
اخذ منهه 25  ومدهه الي هاج هاي الكروة واحسبي نفسج ما اخذتي ولتفكرين بيهه ابد

باوعتله شلون يحجي بحديه وبنفس الوقت بأسلوب وذوق بس نبرته بيهه خشونه وتهديد احسه من يحجي يجبر المقابل انو يخضعله وميعانده

_ هااا بس شدعووة 25 ماريد هلگد ولله هي كروتي بس 3 ونص انطيني بس هلكد ممحتاجه ولله

_ دا اگلج أخذي حتى لو زايد ميضر  يله لتخليني اعصب تره اضوج من واحد يعاندني

يمه هذا شبي على غفله صار صوته عالي ويخنزر  صدك يخوف
مديت ايدي بتردد وأخذتهه من عنده وهو يباوعلي من الخجل اريد انهزم لأي مكان لو اختفي لأن صدگ جنت بموقف محرج اني بحياتي مطالبه فلوس من احد غريب لا من عمامي لا من خوالي لا من جدي وبيبي من جانو عايشين
بس من ماما وهسه هذا اول واحد اطلب فلوس منه لذلك احس بخجل فضيع

بعد ما أخذت الفلوس منه گتله: اشكرك هواي رحم الله والديك ولله نقذتني بس ممكن اسمك بلا زحمه وبيا قسم واي مرحله حتى من اجيبلك باجر الفلوس ما اتيه

طبعا اني اعرف اسمه وبيا قسم بس سويت نفسي ما ادري حتى خاف يفكر اني مخليه بالي ويا واعرف عنه تفاصيل عود عندي ثگل وكذا

_ مو مهم ترجعيهن اعتبريهن صدقه مني

اني سمعته هيج كال لو الشياطين وكفت براسي ضجت حييييل من كلامه شنو قصده اني دا أجدي من عنده حتى يگولي صدقه هذا شحاسب نفسه اشو ماعنده ذووق كلش

كتله بعصبيه: شنووو قصدك صدقه مني دا اكدي منك اني لو شنو تره مميته على فلوسك صدگني لو عندي فلوس الكروه جان شمرت فلوسك بوجهك  واموت ولا اطلب منك مره ثانيه

_ لججج احترمي نفسچ ولتعليين صووتج علي فتهمتي لوو لااا ما عاش اللي يرفع صوته بوجه قسور ولله لو ما حرمه چان شوفتج شي بحياتج مشايفته  بس هالمره راح استخطيج
بس مو من شيم الرجال يمد ايده على مره
وآنه ما قصدت اهينچ لو اذلج من كتلج اعتبريهه صدقه لأن مو بس الفقير يتصدقوله خليهه ابالج
الصدقه للحي وللميت تعلمي شويه
ومرة الثانيه اياني واياج اشوفج تعلين صوتج بوجهي لو تنخزرين احسب الله ما خلقج

حچه هالكلام وفات من يمي وراح
لا ولله فوگاها اشو هو اللي متعصب
ويصيح المفروض ارزله بعد
بس ولله انرعبت من گام يصيح عبالك زلزال صوته مو صوت بشر عادي
الله يساعد اهله شلون متحملي

طلعت من الجامعه ورحت امشي ادور كيات ياا هاي شنوو ليش ماكوو اليوم
معقوله لأن متأخره
رحت امشي ليگدام بعد بلكت كوستر تكسي صخام
هم ماكوووو ...
يربي شهاليوم الأكشر هذا
بلكت الگه تكسي واصعد ويا
على الرغم اخاف من التكسي بس شسوي مجبوره
الوقت تأخر وراح تصير الغروب زين ماما شعجب مدگت عليه ليهسه بس لا صاير شي