#بين الأمس والغد
#سارة ماجد
مجاوبني ولا كانو احجي ويا
دفعت ايده مني
_ قسوور شبيييك شدتسووي كوم من يمي عوووفني
يااا هذا شبي ميسمع
دفعته بكل قوتي
وخر مني
باوعلي بخزره: شبيييچ تخبلتتي ليش ادفعين هيج
تنفست بقوة وباوعت عليه شفته منتهي شعره مخربط ووجهه عرگان وملابس تيشرت ولا فانيله عاري الصدر ويتنفس سريع عبالك چان بسباق
ياا عزه هاي شلون جان قريب مني هالشكل باوعت على نفسي ثوبي مرفوع من جوة ورجلية نصهه طالعه ومنزل الدشداشه من يم الچتف
لااا والنوب اني مو عالقنفه بالسرير!!!
خنزرت بوجهه : شجابنييي للسرير آني وليش هيج ملابسي مرفوعه شلون تسمح لنفسك تتقربلي بدون ما ادري هااا
عصبت منه كلش وصدك ضجت من موقفه
خنزر بوجهي ويباوعلي بنضره مكر بنفس الوقت : شسوي يعني فتت للغرفه لگيتچ نايمه على القنفه ومفلگحه وسيقانچ وافخاذج كلهه طالعه
والدشداشه من فوك نازله والزنود طالعه يصيحوني اجي اعضعضهم
وتعرفين انه رجال والمنضر گدامي خلاني افقد وبعدين انتي حلالي وشريد اسوي اسوي
متگدرين تمنعيني
فهمتي
هذا شلون يحجي هيچ بدون مستحه من الخجل اشو فد مره زايعهه احس خدودي نااار ووجهي صخن حتى مبقت عندي قدره ارد عليه
بس لحضه شنو يكول اسوي كلشي اريد ومتمنعيني خاف ميرضة هذا مصدگ نفسه اشو
تجرأت ورفعت عيوني بوجهه : رجاءً مرة ثانيه لتستغل الوضع وتتحرش بية ما اسمحلك تره احنه اتفقنه من البدايه انو متتقربلي
گال بأستنكار : اتحرش بييچ؟؟؟!!!
تره آنتي مرتي شرعا وقانوناً مو حياالله بنت حتى تگولين هيچ
واعيد واكرر صدگيني اذا اريد آخذج محد يمنعني لا انتي ولا غيرچ بس انتي مو بمزاجي اللي سويته بس مقبلات اسد جوعي بيهه وانتي افتهمي
گام من يمي راح اخذ خاولي من الكنتور وطب للحمام
يبوو شلون سالفه هاي هذا طلعت عينه حيل بعد ما أئمن بي يروح يسويلي شي بنص الليل وآني ما ادري ولله تحلم اخليك تتقربلي انت وهذا اسلوبك الهمجي
طلعت من الغرفه ورحت غسلت بالمغسله اللي خاليهه بالكليدور الفوگ مرات من الحمام مشغول يصير كتل عليهه اني ومنى وضياء
رجعت للغرفه جان بعده بالحمام لبست ونزلت شفتهم ديحضرون ومخبوصين رحت على ليلى وگفت يمهه
_ لج ليلى شكوو اشو مخبوصين ودتحضرون غده من هسه شصاير بس لا راح يطلعونه بالتلفزيون
ضربتني على راسي بخفه : اااخ ولج
_ عوبه يعني اذا نطلع بالتلفزيون غير رجلچ العزيز يعلكنه بالبنكه
_ ايي لعد شكوو دحچي
گالت وهي تبتسم : اليوم راح تجي اختي لينا هي وزوجهه يباركولج عالزواج
واخويه اياد هم راح يجي هو ومرته لذلك مخبوصين لأن صارلهم هواي مزايرينه ودنحضر للغده من هسه حتى كلشي يكون جاهز من يوصلون
أنت تقرأ
بين الأمس والغد(قيد التعديل)
Romanceتزوجا اجبارا تحت ضغط عائلتيهما فكيف ستكون حياتهم؟ هل تتغير قلوبهم بالحب ام سوف يستمر الكره والحقد بين ابطالنا ؟ قصة عن ضابط يتزوج بالأجبار من فتاة لا يعرفها بسبب موقف غير حياته جذريا .... القصه من وحي خيالي
