#بين الأمس والغد
#سارة ماجد
طلعت مخروعه من صياح خالتي حتى الدكتورة طلعت ورايه والناس هم يباوعون
_ شكوو خاله شصاير
اتدگ ع راسهه وتخرمش بوجهه: ولكم ابنييي ماات ابنيييي رااااااااح نضرر عينييييي راااااااح
ربيييي دخيلك لييييش هيچ لييييش
وگع گلبي بين رجلية كل اللي اجه بالي قسور مات لأن سمعت هو التحاقه هالمرة ماخذيهم للحويجه والأوضاع مو زينه ابد هناك
ربي صح آني حاقدة عليه وكارهته وكارهه كلشي بي بس مردته يموت ما اتخيل يصير بي شي ويروح من هالدنيا
يمكن تلوموني وتكولين علية مخبله بس مو بيدي هذا أول رجال بحياتي حبيته عشت ويا فترة طويله وتعودت عليه وجودة بحياتي شي ثابت ابد ما بيوم فكرت يصيرله شي بدوامه لو الله ياخذ امانته
مستحيييل
نزلت دموعي بأسى وگلبي مو مصدگ اللي يفكر بيه عقلي
حچيت بشهگة
_ خا خاله خاله شبييي قسووور شنوو مات منوو گلچ اا انتيي
_ مووو قسوور يمه نضر عيني وشمعة بيتي راح ضياء راااااح أبنييي بعد ما اشوووووفه
گامت تلطهم ع راسهه وصدرهه
ملخت نفسهه
الصدمة احتلتني خلتني واكفه مثل الجماد كلشي ما اگدر اسوي
منى سمعت هيچ وتخبلت گامت تشيل روحهه وترگعهه بالگاع
شنووو ضياااء مااات خاله شجاي تگولين منوو وصلچ هذا الخبرر مستحييييل اللي دتحچيييي ضيااااء ميموووت ميعووفني
رحت عليهه حضتتهه وآني ابچي
الناس التمو علينه صرت ما اعرف اسيطر عليمن ع منى لو ع خالتي
والناس تصيح گولوا يا الله ان شاء الله ماكوو شي
وواحد من الولد گال صار انفجار قبل ساعه بس لا رايح بي ابنكم
من سمعنه هيچ بالزايد تخبلنه منى تخربطت ووگعت من طولهه وخالتي حسهه گام يطبگ مفرفحه ع ابنها
منضرهم يكسر الگلب
گمت بسرعه امشي بين الناس بالعيادة صارت عيني ع ولد شاب جان واگف ومبين مراقب حالتنا ومنقهر
فكرت أکله يلزملنه تكسي
لأن مو مال اترك خاله ومنى وحدهن
رحت ركضت عليه
گتله بأنفاس متقطعه والهث: فدوة اخويه بلا زحمه عليك تگدر تلزملنا تكسي ويوصلنه لبيتنه مثل متشوف حالة أهلي منهارين الله يخليك
باوع علية ودگ صدرة : بالخدمه خويه ولا يهمچ اللي تردي يجرالچ بس وين بيتكم انتوا ؟
_ ولله ما ما اعرف ويين هسه امشي بس وگف سياره وبعدين ندلي
_ اكو واحد مايندل وين بيته انتي تضحكين علي لو شنو سالفتچ
عصبت من عندة هذا وين وآني وين : اگلك ترة آني مو بحال شقه دتشوف حالتنه بعينك باع خالتي والبنيه انتهو اذا متريد تأجر تكسي وتتعاجز ملازم آني أروح هسه
دا امشي گال : اوكفي
انداريتله هاا
امشي وراي اوصلكم بسيارتي
أرتبكت : لاا شكرا منحتاج بس أجرلنه تكسي من الشارع فدوة منگدر نصعد وياك
گال بأصرار : لا آني أوصلكم ترة هم عندي تكسي وأشتغل ع باب الله وانتي مو بحالة ترفضين طلبي باعي أهلچ امشي أوصلكم ودليني براحتچ ع طريق
أنت تقرأ
بين الأمس والغد(قيد التعديل)
Romanceتزوجا اجبارا تحت ضغط عائلتيهما فكيف ستكون حياتهم؟ هل تتغير قلوبهم بالحب ام سوف يستمر الكره والحقد بين ابطالنا ؟ قصة عن ضابط يتزوج بالأجبار من فتاة لا يعرفها بسبب موقف غير حياته جذريا .... القصه من وحي خيالي
