#بين الأمس والغد
#سارة ماجد
أحس رجلية نملت والگاع گامت تفتر بية وآني اتفرج عالصور
چانت صورتين وحده منهن قسور ديبوس بلقيس من خدهه وهي ضاحكه ولابسه فد شي صلوخ ممبين شنو لأن صورة مو كامله
والثانيه هي لازمته من جتفه ومبوسته من حنجه
حسيت نفسي داخله بدوامه كل اللي افكر بي اريد قسور گدامي هو وبلقيس ثنينهم ويخلوهم جوة ايدي
طلعت سراب من الغرفه باوعت ع تلفون بأيدي وعلى وجهه شبح ابتسامه خبيثه
_ هااا منوو دز رساله شفتي
_ اي شفت ممكن تفهميني شنو هاي
رفعتلهه الموبايل وطلعت الصور
باوعت بأستغراب وأخذت الموبايل : ياااا هاي بلقييس الضاهر دازه صور بالغلط
_ لچ سرااااب فهميييني شنوو هذني الصورر شدتسوييي بلقيس ويه قسووور وشنووو هالوضعيااات احچي لا ولله اتخبل عليچ هسه
دفعتني من چتفي وهي تگول : اووووي دروحي وشكوو دتصيحين فوگ راسي مناقصتچ تره آنه صيحي رجلچ التحفه خل هو يجي يگلچ شنوو هاي ويفهمج لتدخليني بالسالفه
_ لچ شنووو لتدخلييني بالسالفه احچي بسرعه سراااب شنوو هاي الصور وشوكت ممعقوله بلقيس بالغلط دازتهم الچ
اعترفي شدتخططون انتي وياااهاا
فقدت أعصابي
لمحت اكو لايت عالكاونتر شلته ورگتعته بالگاع وگمت أصيح
وابچي واغلط
سراب اسمعهه تكول عزه اتخبلت هاي خل اخابر رجلهه يجي
اسمع صوت عبدلله يگلهه شكو شصاير وهي تجاوبه شافت صور قسور وبلقيس وانهدت علية مثل الثور
عبدلله: شنو صوريش شافت متروحين يمهه اتهديهه مو گلبت الدنيا خطيه
_ اووي شعلية بيهه مالي خلگهه متنزل الهه ليلى ومنى مو هن گلب ع گلب
_ لچ مو تعرفين بيهن راحن يلقحن الجهال وماكو احد بالبيت حرام عليچ شوفيهه هلكت
_ اگلك لتضل تحچي براسي وتدوخني اذا هيچ كاتل نفسك عليهه ومنقهر روح واسيهه انت شنو قصتك اشو هواي لحيت بس لا حاط عينك عليهه انت الثاني وتطلع ساحرتك
_ ولچ انتي شجاي تحچين تخبلتي
هو آني سمعت سراب هيچ گايله محسيت بنفسي غير رحتلهه ركض للغرفه ودفرت الباب واستلمتهه سحل من شعرهه
طلعت قهر الصور اللي شفتهن بيهه
وهي جوة ايدي اتصيح : ولچ عوووفيني مخبللله هلستي شعري عبدلله وخرهه من عندي ولك موتتني
عبدلله يجر بية وبسراب وآني كامشه شعرهه حسيت نفسي تخبلت من صدگ
كرهتهه بهاللحضه حيييل لأن شفت الصور بتلفونهه هي متقصده هيچ تسوي
ضلت تعيط وتجر بشعري وعبدلله يحاول يفاككنا ميگدر
وآني ما اقبل اتنزل عن شعرهه عاتته حيل
لحد ما سمعت صوته يگول : لچ شهههد تخبلتتتي شجاي اسوين وخري عنهه
عرفته من صوته قسور اجه لزمني من وره ووخرني عن سراب اللي صاير وجهه عباره عن خرمشات وشعرهه مكفوش وآني هم نفس الشي
انداريت عليه وشفته وصارت شياطين الدنيه كلهه براسي عيطت بي وآني ادفعه: وخرررر من يمممي انت الثااااني دير بالك تلزممممني ابو البنات ابو الدياحه ولك شسووويتلك آني وتخوووني هاااا بشنوو قصرت وياك بس انت عيينك فاررغه متكتفي بوحده
مكملت كلامي وما احس اله براشدي فر وجهي فر
عبالك وصله نشلعت من خدي مو راشدي
لزمني من ايدي بقوة ولواها وره ضهي
وهو يصيح بعصبية : لچ أحترررمي نفسچ لاااا بالله العضييم اشوفچ شي بعمرچ مشايفته منييي شهالألفاظ هاااي اللي جاي تحچيهه منووو معلمچ هيييچ ومطلللع عينننچ بت الكللللب
أنت تقرأ
بين الأمس والغد(قيد التعديل)
Romanceتزوجا اجبارا تحت ضغط عائلتيهما فكيف ستكون حياتهم؟ هل تتغير قلوبهم بالحب ام سوف يستمر الكره والحقد بين ابطالنا ؟ قصة عن ضابط يتزوج بالأجبار من فتاة لا يعرفها بسبب موقف غير حياته جذريا .... القصه من وحي خيالي
